用倉鼠寵養兔仔得唔得?同埋倉鼠問題!!!

問題較多,字數有限,唔想縮減字數影響你既鼠鼠,部份回答內容煩請參考其他我回答既知識,已附上連結,謝謝!A.迷你兔都唔細隻,你去寵物店都會見到兔籠比鼠籠大得多,我諗你要睇返你日後養既兔係幾大隻先知可唔可以;以前冇鼠店既時候,養小白兔都係同養鼠用埋同一隻籠,但就小白兔就真係好細隻既
唔知你既鼠有冇咩問題呢?點解咁快會諗定佢地死?佢地係好病咁定係點?
如果有鼠鼠死亡,要留意以下既事:
1)澈底同鼠鼠既籠同用品消毒先放第隻鼠or第隻動物入去,可以洗好之後用消毒藥水(用呢個就要風乾,再放一段時間先可再用,唔係會有殘留物質在上就唔好啦),動物專用消毒劑or牙膏去清理
2)如果同時有第隻鼠鼠同死去既鼠有接觸,就要小心檢查健在既鼠會唔會有咩病,睇下死去既鼠會唔會有菌or有病傳染俾鼠鼠,都要睇下餘下既鼠鼠有冇外傷,排泄物同身體有冇異常
3)切勿自行埋葬鼠屍到公園等地,因為自行安葬屍體,係違法既

B.倉鼠打交係因為佢地天生就係獨居動物,冇方法會改變到鼠鼠既天性,就算唔打都易因壓力而生病,但你既情況係特別易有打交既機會,一大一細既鼠,仲係地盆心態最重既熊仔鼠,趁而家冇事分籠,好過有事後悔都唻唔切
網絡流傳既沖涼方法,並唔可能改變到鼠鼠既天性,呢個方法我細個試過十分多次,做到既只係暫時,所謂既沖涼唔打or打少d道理係咁既:鼠鼠身上有一個位係發出氣味,會用唻霸地盆,沖涼就會將氣味減少,令鼠鼠認唔到對方,鼠鼠打交多數會聞下對方,了解一下實力先打,氣味改變就令鼠鼠要重新估計對方實力,但要明白鼠鼠既氣味係不斷地會再發出,唔好諗係要斷沖涼就解決到問題,鼠鼠係唔可以成日沖涼,一星期沖一次,太熱最多兩次,沖太多反而令鼠鼠易患皮膚病
其實鼠鼠最好分籠,如果唔同性別,繁殖鼠鼠會有好多問題,希望你可考慮一籠一鼠,我自己一籠一鼠左好耐,鼠鼠身體都好D,唔會被打,又少受驚,我既鼠多數都係老死OR年老腫瘤而死(當然配合返唔亂食野,同適當地對鼠鼠啦),建議分籠原因及打交處理方法可參考:
http://hk.knowledge.yahoo.com/question?qid=7009051201792

C.而家既鼠好多都唔識沖涼,可以幫鼠鼠沖,同鼠鼠沖涼既方法及要留意既事可參考:
http://hk.knowledge.yahoo.com/question?qid=7009040201309

D.鼠鼠既消化系統唔好,好多時未吸收晒就排返出唻,所以會有好多便便;而鼠鼠原居沙漠,冇咩水飲就飲水唔多,不過熱既時候應該會飲多D,最緊要留意返水樽出水有冇問題,兩隻鼠一齊住都易因受驚而少左飲食,最好分籠再觀察

E.patpat好大既鼠係咪男仔呢?養左幾耐?排泄物有冇異常?
男鼠成熟既時候,睪丸就會較明顯,一般買返唻既鼠年紀都好輕,所以買返唻時睪丸未必咁覺眼,買左一段時間,約一個月左右,鼠鼠到60日大時,就會完全成熟,咁睪丸就會變得明確,而鼠鼠發情or天氣熱時,睪丸就會更覺眼同比較紅
但如果係異常既腫,就可能係肚瀉瀉到腫,外傷or腫瘤,詳細處理方法可參考:
http://hk.knowledge.yahoo.com/question?qid=7009051201936

如果係腫瘤要做手術既話,手術就一定會有危險,未夠一歲就好d,一歲後開始老就較難承受麻醉藥,手術費要視乎情況,一般由七百至千五左右

用倉鼠寵養兔仔得唔得?


緊係唔得!!!就算係養迷李兔，都唔可能夠佢地舒適咁生活!!!千祈唔好咁做呀!!!你知唔知兔兔同鼠鼠身形相差有幾大？你最好去實地睇過先，唔好到時買左又唔要......
而且養兔仔，籠裡面仲要有埋廁所、草架、食物碗、水樽等等既物品，試問一個倉鼠籠又點會啱用？
呢個問題太恐怖，希望你真係決定要養之前，查清楚養兔需知&需要先！

建議你都係唔好用 雖然我唔係咩養寵物專家
但係佢話得比你知用黎養既就係用黎養果樣野
雖然都可以裝得落其他 體形差唔多大/細過佢既動物
但係我捻好快會死 同埋 乜你同寵物冇感情 咁你養佢黎做乜?
瓜左即係死左啦 咁你死左又養返隻 死左又養返隻 但係同佢又冇感情 即係好似D細佬仔買點數卡玩GAME咁 用完就再買
冇意義 咁不如唔好養啦 我以前養過隻狗 死左就冇在養其他動物 因為我同佢有感情