會計-會計師,lcci,pass paper ,前路,一問

1) 起香港如果想考會計師牌就主要考QP或者ACCA, 前者較多人選擇. QP現在和ACCA沒有直接互認協議, ACCA會員想做HKICPA會員要符合8個條件, 但HKICPA會員可以成為ACCA會員, 無需加任何條件.
QP要上4個workshop, 上完每個workshop都要考試. 全部workshop合格後再考期終試. 如果考QP, 就要先完成HKICPA認可的會計學位, 或先完成HKICPA認可的Conversion course, 或先完成HKIAAT的PBE考試 (PBE考4份卷, 要AAT全部8份卷合格才可以考.) 至於考試詳細內容可以上HKIAAT, HKICPA及ACCA網睇.
2) 老實講, 會計呢行幾講學歷, 所以大學畢業(尤其名校)條路會比較易走, 工作經驗比較靚亦係較容易轉行. 會計亦係年齡歧視嚴重一行, 年近30無相關工作經驗搵工係好難. 如果你係想考牌做會計但唔想讀中六及IVE, 你可以讀下AAT常規課程或者自修, 但小心HKIAAT考試係唔容易考, 幾份卷過往合格率係好低.
考牌做會計師可以不考LCCI, 但如果份工要你有LCCI學歷就當然一定要有.
3) 你可以問老師或者同學有無得借. 網上就要自己搵下.
4) 考牌你要預好長時間. AAT最短一年, PBE都係, QP又係, 工作經驗要儲3-5年, 快則5-6年可以有會計師牌, 慢則要7年或以上.
一年有幾千人讀完會計畢業(包括DEGREE及副學位), big4每間只係請約200幾人. 雖然仲有中小型會計師樓共幾千間, 但唔係經常請人. 會計亦唔係一個永遠都會好景行業, 就像今年金融海嘯下, 不少大型及中型會計師樓都已經裁員及要員工放無薪假. 細會計師樓請暑期工出手比上年少最少幾百.
香港人做會計前景亦要睇其他因素, 特別競爭方面. 例如最近HKICPA打算比內地會計師簽核數報告, 現正接受諮詢. 再者內地會計現正慢慢與國際接軌. 如果香港真係放寬會計工作比內地人做, 香港人都幾難同內地人爭.

本人已考取lcci level 1 & level 2 會計公開試了，有pass paper level 1 & level 2 pass paper 本人平讓，有意[email protected]

從我十多年的工作經驗看, 除了錢外, 你也要知道自己的性格适合什麼, 你是否喜歡在大公司工作, 有能力面對複雜的人事, 做數佢同你計時間做幾耐, 成日要開會檢討工作, 或比人插, 如果去會計師樓工作時間好長, 一日十幾個鐘, 十一二點閒閒地, 做一年半截分分鐘瘦你吾少, 但做幾年人工是會高 d, 相對現在風險亦較高, 如果你有幾年工作經驗, 有 dip 或 degree, 找一些私人細公司, 自己做晒, 會 free 好多, 又吾需要 ot 好多, 6-7點可收工, 好運的話, 都有 2萬左右, 都吾差, 因每間公司都有會計, 開頭無經驗的話, 可先讀過 lcc 打底好重要, 再找a/c 工邊做邊讀, 第一份你預6-8k 左右, 最好找有人教的 full set, 做三年夠, 第二份就試自己做, 可有5位數, 看你能力la, 邊做邊讀 dip, 我是這樣的
別人給你的意見你只作參考, 因每人的性格及需要吾同, 標準吾同, 最清楚是你自己, 如果你話快我覺得我現在在 HKICHE 讀的 high dip, 15科你可一年內讀完, 跟住讀佢的指定大學最後一年, 就有 degree, 當然好辛苦要看你個底子好吾好, degree 可豁免 acca 9張 paper, 考多幾張就完成, acca 是全世界認可, 看你在吾在孚 HKICPA 個名拉, 就算你考完亦又未必做會計師或有果個人工, 我現在讀這個 dip, 完成後可申請 AIA 國際會計師豁免12張 paper, 再考4張公開試+3年工作經驗, + 2個會計師推薦就可申請成為國際會計師, 簡單來說兩年時間就考完, 可去上市公司做, 不過香港做執業會計師只有 HKICPA
好多綱友都話 AIA 吾好, 但你見工時, 就在一班人裡選擇, 人地無你有就是你, 不是每個考闆都請出名的, 有很多工注明 ACCA / HKICPA 跟住有句 同等, 如果你等考完晒 HKICPA先轉工, 吾知幾年後, 先可 earn 回你的人工, 我幾年考一考又轉一轉又有吾同的經驗, 一級一級上更實際, 可 earn 回我的學費
開頭無乜工作經驗, 你要試下做落才知自己的方向,要慢慢來
我有 lcci paper level 3 account , costing , management a/c 三科2004-2007左右每科9份, 夠你最少合格以上, 如你有興趣可 send email 比你, 因巳給了兩個綱友