PUK封左!!轉台好??補返張card??? 15點!!

如果你現在就想轉台，根本唔駛去什麽解鎖或去CSL出新咭，因為人仔台會出張新SIM畀你，舊果張CSL SIM鎖唔鎖已無關係。況且，喺攜號轉台嘅 case，只要唔係被舊台停台 (或儲值卡過期或冇餘額)，port out 嗰個台只是負責放過 number 到 port in 嗰個台，張舊SIM係唔係畀PUK block 咗絕對無關痛癢，亦絕對唔影響攜號轉台。再者，CSL根本唔知你張SIM被封鎖 (blocked)。

但如果你唔係馬上轉台，就要去CSL門市換番張新SIM。電話號碼當然可以保留。

其實當電話叫你輸入PUK碼時你應該馬上去揾番你個台(CSL)，因為PUK碼係跟SIM出廠而非自定，個手機台會同你keep住個PUK (PUK由SIM製造商提供予手機台，張張SIM的PUK都唔一樣，係random number)，你自己邊有可能撞到！

基於安全理由，你試咗10次錯誤輸入PUK碼，就永久鎖SIM (這是SIM的規格，乜嘢機、乜嘢台都一樣)，CSL會同你出張新SIM，收唔收你錢就視乎個別情況，一般唔收，因為一張SIM嘅成本只是個零港紙。

去邊到搞?

任何CSL門市。