假離婚申請公屋問題???超急
2009-05-21 6:39 am
本人和丈夫仔仔三人兩年前申請公屋,去到今年度我地終於收到房署嘅特快公屋計劃,還已揀了楼,但上星期不幸收到房署寄來的信話我地入息超咗額要取消我地資格,連號碼也冇埋,但房署話俾半年至兩年時間我地,只要將入息方面搞番好就會俾番個號碼我地,我想可能是我近D半年間中有做散工而俾房署查到,而那些散工並沒有供强積金及報稅,我有些朋友叫我這半年暫不工作等号碼取回才做,但這是不可能的,因為我丈夫每月收入只有$12500,但他早年曾因賭錢欠下好多卡數,每月最少要還$3000元,而我地租楼住每月都要交$3500租,還未計他還要俾家用番屋企,我仔今年六歲9月份便要升小一啊,來年只會更加多的使費,試問若我不出外兼職何來夠用呢?難道要我地攞綜援呢?我地只係想住公屋,所以我朋友教我和我丈夫假離婚.因為我和仔仔兩人家庭的話,就算我做全職工作也不會超額,不用好似而家偷偷摸摸但最後都係被查到,到我離婚後和仔仔成了二人單親家庭還可以快D上樓,現在我想請問大家意見,我這個方法行得通嗎?若果行得通想問下我應該而家立即去搞離婚定係等半年到我丈夫取回号碼才去搞呢?因為搞離婚都要四,五個月時間,請俾D專業意見我
回答 (4)
2009-05-21 8:20 am
✔ 最佳答案
三個人一起申請綜援,再申請公屋.2009-05-24 20:50:22 補充：
一係咁, 同你公老離婚(當然係做show俾人睇,但之後可以私底下復合), 再同社工講, 而家係單親家庭了, 二母女相依唯命了, 不求駛費, 又交不起屋租了, 社工便會做野: 拿, 同你申請單親綜援, 又俾公屋你, 同你交埋租添. 過一排, 你老公可以返黎同你們住, 你唔講, 隔離鬼知咩, 仲有, 注意要同d鄰居關係好d.
2009-05-24 20:52:26 補充：
根本係d法律迫你做大龍鳳, 律係死既, 人係生既, 自己識變通下.
2009-05-30 8:49 am
其實月入$12500响香港已經算係咁,有好多都係得$8000,都只好怪你老公賭錢,我提議你去社區中心或小朋友間學校揾社工,佢地可能幫到你,因為因為你先生係有能力做工.無論假離婚或申請綜援都可以被人告隱暪真相或行騙,無謂要比人告上法庭,所以你去揾社工,佢地可以幫你寫信同房屋處聯絡及跟進.
2009-05-27 9:35 am
搞離婚要等一兩年，又要等法規判子女撫養權又等一年，被房署查出你騙公屋仲大獲，絕對唔係辦法，不如睇吓有無老人家有親戚關係同你家人一齊申報公屋仲實際啦。
參考: 在房署工作
2009-05-21 7:09 am
有無人咁蠢, 情願跟老公假離婚, 都係為咗間公屋,
第一, 若被人查到, 你哋會被人告隱暪真相或行騙
第二, 假離婚都要分開住, 無理由為間公屋無老公
第三, 你做散工房署都查到, 又點會查唔到你哋假離婚
倒不如你暫時唔做散工, 等到上樓之後, 再搵過一份,
唔使報稅又查唔到既工啦...! 又或者同屋企講, 唔俾家
用暫時, 等到有得上樓再補番俾佢哋囉! 自己人易話為
D既, 房置話你哋搞好個入息, 就即刻有番個號碼嘛! 點
都好過呃假離婚咁大鑊, 被人發現唔單止無公屋住, 仲
會野官非, 罰款或坐監, 千其唔好聽人亂咁教你 ~
第一, 若被人查到, 你哋會被人告隱暪真相或行騙
第二, 假離婚都要分開住, 無理由為間公屋無老公
第三, 你做散工房署都查到, 又點會查唔到你哋假離婚
倒不如你暫時唔做散工, 等到上樓之後, 再搵過一份,
唔使報稅又查唔到既工啦...! 又或者同屋企講, 唔俾家
用暫時, 等到有得上樓再補番俾佢哋囉! 自己人易話為
D既, 房置話你哋搞好個入息, 就即刻有番個號碼嘛! 點
都好過呃假離婚咁大鑊, 被人發現唔單止無公屋住, 仲
會野官非, 罰款或坐監, 千其唔好聽人亂咁教你 ~
收錄日期: 2021-04-15 21:28:36
原文連結 [永久失效]:
https://hk.answers.yahoo.com/question/index?qid=20090520000051KK01917