邊到有得幫貓剪毛？

出面d寵物店好多時幫貓狗沖涼剪毛毛都會打佢哋來控制，唔俾佢哋郁來郁去，你最好企係度睇實d。最好都係自己幫隻貓沖涼兼剪毛，因為寵物店咩動物都有，有d動物有皮膚病，共用一把刷或者沖涼盤，好易惹到病菌架！

同貓剪毛無想像中咁難。你去屈人氏買把電動剃髮器（成日做特價$129果d呢），剃之前同隻貓刷順d毛毛，然後按說明書接好電源、set好電剃的剃毛長度，先係自己手背試一試，睇吓電剃會唔會傷到皮膚（萬一整親寶貝貓就唔好啦，所以一定要自己試左先）。

由貓背開始剪，腳同條尾千萬唔好剪，因為貓貪靚，最憎人剪到佢條尾核核突突。即係背脊由貓頸至patpat位就停，跟住剪兩側，然後抱起貓等佢四腳朝天，輕輕幫佢剪肚腩至頸部毛毛。岩岩剪完時，貓可能會嬲你，覺得你整鬼佢，但第日就會開心番，知你對佢好。

我隻貓由沖涼吹毛剃毛剪甲都係我自己一手一腳搞掂，同貓吹乾毛毛時，佢會舔吓自己又舔吓你，又會用腳掌心搭住你手臂，好似小朋友咁！雖然係麻煩d，但貓同人都好開心架！你試吓啦！^^

yahoo 依家唔可以 post link ka. 你上網查"寵物城"啦. 我隻貓去左 6年沖涼剪毛都好好. D 姐姐又錫佢. 認得佢 tim ka! 全套服務 $350. 早幾日打去 book 定先 lor. 星期日特別忙 ka. 要早 D book.