有BB可五可以养猫？

反正你未養過貓,咁又何必急於一時要呢?你養緊個bb先7個月,你自問係咪可以handle多一樣野呢?養貓同養bb同樣要付出好多愛心同心機.


污糟係動物都會啦,仲有貓會爪野,基本上佢邊到都去到,佢唔同狗,狗最多都係係地下,但貓識跳,佢可以跳上bb床都得.而且你有冇諗過個bb可能會對貓敏感呢?貓都有毛,而且分分鐘貓係污糟過狗,因為佢識自己出街,佢係出面做過咩行過咩地方會帶d咩細菌返黎你知唔知?雖然話貓係好愛清潔,但都好愛玩老鼠.


如果你真係想養你可以等bb大個d識佢係咩先養,當係一個教學,同時等你bb可以學識有愛心同照顧,但而家未係時候lor,你諗諗啦.

好似上面好多回答者都講，既然你BB咁細，你又未養過貓，咁做乜無事搵事做呢﹖
係我嚟講，貓係乾淨過狗，照顧上都係，最少，你唔使每日兩次帶佢落街‘方便’、運動。
其實養人仲污糟過貓。你諗下你一日煲多次奶樽，換幾多尿片﹖
如果一個愛動物ge家庭，佢地啲小朋友起碼唔會係暴力者。
動物亦可以改變一個孤僻小朋友啲性格。
我自己一屋5貓，全部都變哂成貓囉。佢地心情好就會走嚟同我瞓，但通常每晚都有一個會走嚟。
你接受到佢地入房嗎﹖
每日最少鏟兩次砂；每星期最少洗兩次砂盆並用漂白水消毒；成貓嚟講每月大約3kg糧﹝純綷大約﹞；
貓貓要定時打預防針，每支約220~250；砂的話豐儉由人，由50~200一個月都可以；如果有乜唔舒服，睇醫生起碼500~幾千都有可能﹝我驚講過萬會嚇親你﹞，貓貓想同你玩、想痴你嗰陣，你會點﹖
仲有，最重要係裝窗網，當然咁對屋企整體美觀有所影響，但呢點等同防止啲細路跳樓而裝窗花一樣，你堅持唔裝的話，就要有心理準備承擔後果。
以上種種，你肯為貓貓付出嗎﹖
不過，假如你已經諗住貓貓係好污糟的話，我都奉勸你養BB好過。貓會有十幾或廿年ge生命，唔係話你一個唔鐘意就掉佢出街啲傢俬。
貓貓係你生命ge過客，但你就係貓貓生命ge全部。
為BB、為貓貓，唔好養啦！
或者，到你個BB讀書嗰陣，識得尊重生命嗰陣，帶佢去有養貓啲朋友度，睇下佢對貓毛有無敏感，會唔會‘蝦’啲貓貓，到時你先再決定啦！咁對BB、對貓貓都公平啲！

2009-05-21 10:59:59 補充：
唔記得左，亞 kkchan，我想話你知，人都好污糟；每日都會甩毛髮、蚤就未必有﹝只係未必﹞，但會係屋外帶到啲菌返屋企；大小便我諗凡有生命的‘東西’都會有；人亦有體味同埋制造氣味﹝如吸煙﹞，去完廁所唔沖廁都會有味。
以上呢D對BB氣管唔好，所以唔好乜都賴哂啲動物，拜託！

有大把真實例子 , 是家中有養貓, 又可以把初生BB放在家中照顧, 和貓一同生活..
你可 click 入去睇 , 我看過很多[小孩與貓]的相了, 我發覺有養貓家庭所出生的小孩個個都是俊男美女.
Kids & Cats 小孩與貓
分享懷孕養貓需知及小孩與貓相處之道
http://www.hkcats.org/phpBB2/viewforum.php?f=47&sid=7da047a654f51adce372fe48ee66f0fb
http://www.hkcats.org/phpBB2/index.php
你也可在網頁發問的 ^_^
美國研究：家中養貓、狗　有助新生兒抗過敏 http://www.uwants.com/viewthread.php?tid=7728540&extra=page%3D2
^_^

可以! 但需要注意:
圖片參考：http://l.yimg.com/f/i/tw/ugc/rte/smiley_3.gif

1) 家居環境一定要乾淨
2) 訓練猫猫入籠睡覺
3) 訓練猫猫用猫沙
4) 訓練猫猫用滴水式水樽飲水(舔水樽飲水) 比較衛生
5) 每次摸完猫猫一定要洗手
6) 猫猫d用器唔可以同人d用器 / 廚房用具放置一起

2009-05-20 12:20:16 補充：
希望幫到你!! ^_^

如果有BB我見意你唔好養貓, 因為貓好污糟的, 例如甩貓毛, 貓蚤, 大小便, 仲有會搞到間屋好大味, 呢D對BB氣管唔好, 仲有BB會周圍爬, 手會周圍摸, 接觸到呢D野都唔好..

嗯, 最好別養. 因為動物在一年中每個季節里,都會有不同的繳化, 例如: 脫毛, 交配前的煩躁等. 你的BB太小, 抵抗力差,會容易引起敏感, 還是等BB大些再做打算吧.

那你就不要養了！免得養了貓之後，到時你又話對BB有影响而遺棄貓貓，到時害咗隻貓！