免仔大便健康以及日常起居飲食@@

樓上mabel講既野已經好啱,我就補充番其他需要知既野比你！

基本用品:
1)籠子﹕ 視乎兔子身形大小,最好能躺平並舒適伸展。
2)水樽﹕ 外間多以“走珠式”水樽為最多選擇﹐亦有用“頂針”作壺咀的高價水樽,並選擇易於清洗
3)尿兜﹕ 兔子經過訓練和辯認﹐多數也懂得在尿兜內大小便的。故可買一個尿兜加點小動物用的纏材作為他的“洗手間”。
4)磨牙用品﹕ 長期放在籠內﹔有天然造的磨牙石(形狀不一)或人造的磨牙石(價錢會較平)﹐萍果樹枝木條﹐仙人掌木條也適 合磨牙(前面門牙)用途也可讓兔子消磨時間.
6)梳: 梳毛用
7)指甲鉗: 每3~4星期應要為兔子指甲,以免指甲過長.
8)墊材 - 木糠、紙粒、木粒等等
9)食物碗
10)乾草﹕ 兔子可食用的牧草主要有以下幾種:梯牧草(TIMOTHY)、苜蓿草(ALFALFA)、果園草(ORCHARD)、高山草(MOUNTAIN GRASS)、小麥草(WHEAT)等等,日常乾草應以梯牧草為主,因梯牧草含有極高的纖維質而6個月以下的幼兔可同時給與苜蓿草餵飼。注意: 不要購買沒有牌子﹐自家包裝等不知名乾草。
11)乾糧﹕ 市面上兔子乾糧基本上有幼兔和成兔兩種,幼兔糧為十個月以下而成兔糧為十個月以上。每天給予2~3湯匙乾糧已足夠,不建議買加入了小食的混合糧.(即：雜糧)

便便越大粒越啡黑就代表佢越健康，主食一定要係草草(無限量供應)，糧每日早晚一小匙就夠，要比開水佢飲。因兔bb腸胃比較敏感，菜只能吃少量。玩具方面材質要天然為主(如：草球、草磗、磨牙石)，玩之餘可同時兼顧埋磨牙一舉數得，男仔會有蛋蛋但太細可能唔易睇到。最後，兔夾兔並唔容易，同性異性都好，有時就算細個夾到，大左發情期都會打交，或發育成熟會不停生，如果真係打交或唔想生你就要分籠養！你要預左有呢方面風險，仲養唔養到咁多隻？有無咁多地方分籠？

究竟係bb定係成兔你都未知ka wo!兔仔係咁不停食,不停痾,佢d便便係正常ka,不過你一定要俾水佢飲,同埋你帶你隻兔仔俾賣兔仔既人睇吓,究竟佢係成兔定係兔b,因為佢哋食d草,同埋糧都唔同ka,你唔好俾咁多雜糧佢食,兔仔唔食得多,你只可以俾多d草佢食,因為佢要磨牙,兔糧你唔使俾得多佢ka,兔兔唔同狗,唔係好玩玩具,你最好每日都俾兔兔出來玩2至3小時,同埋你小心你屋企電線,因為兔仔好鐘意咬電線,分男/女好難睇ka,你攞出去俾pet shop果d人幫你睇啦!同埋你唔好諗住買兔隻陪佢呀,會打交,就算一男一女都會打ka,你要分籠養,你會麻煩ka,你真係養掂一隻先買第2隻啦!同埋你唔好聽d鋪頭講叫你買木瓜丸俾兔兔食,冇用ka兔仔佢會自己排番d毛出來,唔使攪咁多嘢!你有咩唔明你就上呢個網址佢會幫到你點養兔仔 http://www.hkrabbit.org/ ,兔仔好易中暑你小心d養佢啦,呢輪天氣熱,你一定要買散熱板俾佢呀!