由柴灣去上水/港島去上水

兩個方法都好方便。
1. 搭港鐵，由柴灣往上水。
　柴灣搭港鐵線往金鐘，過對面月台轉荃灣線往
　尖東。然後經轉車通道 (要出閘，再用同一張
　八達通入閘)，轉東鐵往上水。
　車程約 76 分鐘，朝早港鐵班次比較疏，你預
　85 - 90 分鐘會比較穩陣。
　收費 $18.1。
2. 先搭隧巴 118，由柴灣 / 小西灣往紅磡海底隧道
　出口。車費 $9.8，車程約 25 分鐘。(咁早應該
　唔會塞車)
　然後行天橋，過對面轉東鐵，由紅磡往上水。
　車費 $8，車程約 40 分鐘。
　P.S.: 港鐵柴灣站頭車開 05:55，去到金鐘 / 尖東，
　肯定已經開左頭班車。118 小西灣頭車 06:05。

373邊得架,去上水方向由上環開的頭車係1740喎!!!!!!!!!!!!!!!!!!!!!

要快就搭780到中環轉968到大欖隧道轉279x,咁樣1個鐘到

如果你要係8點到上水，一般都問題唔大。好多交通工具都開哂啦。不過我想回應番樓上位朋友既答案...如果照你第1個方法去既話76分鐘係應該去唔到目的地。根據港鐵網頁提供，用你個方要成81分鐘 先去到。如果你話76分鐘，應該係呢個一個方法...
柴灣→ 鰂魚涌→ 油塘→ 九龍塘→ 上水
時間:76分鐘 車費:$18.1
除左呢個方法，當然有其他方法啦。坐118係紅隧轉火車唔係唔係好，不過，同第一個方法無咩分別.....仲要轉多一程車....如果係我不如搭港鐵算喇....
咁我仲可以提供到另一個方案，可以比你參考一下:
就係坐新巴682 轉 九巴373 去上水。
682 由柴灣出發，之係去到大老山隧道巴士站轉373去上水
車費: 682 $19.0 + 373 $10.5 = $30.0
車程(約): 682 > 大老山隧道 30分鐘, 373 > 上水總站 35分鐘
**咁其實坐8P 都可以，係入境處上車就可以喇，不過你最好早D出門口**