✔ 最佳答案
會計行業不同工種對學歷及工作經驗要求各有不同, 所以要讀乜就要知道自己想做乜.
如果你係想做會計文員或相關文員工作, 學歷最低要求係中五畢業再加LCCI中級學歷, 有些公司會對求職者會有較高要求, 例如: 文憑/高級文憑學歷. 不過, 而加好多公司就算唔係大公司, 請人都要起碼1-2年經驗. 如果想做更Senior的工作就要更高學歷或/及經驗.
如果你係想一路儲經驗一路考牌準備做CPA, 就要視乎會計師樓規模. 最大四間最低要求係大學畢業. 大學畢業生一年以萬計, 高級文憑搵2nd tier已經唔容易. 雖然部分細會計師樓請人最少要中五中七學歷, 但已經有部分會請人要高級文憑及大學學歷. 考試方面, 步驟係AAT-->PBE-->QP+工作經驗. 你搵課程時, 簡介有講可以豁免幾多份卷(HKIAAT網頁會寫得更好更準確). 你跟住這個步驟考試及儲經驗就得.
不過又係老套一句, 考會計師牌係比高考讀的會計係難. 因為考牌讀會計要讀好多法律及會計守則, 差唔多全部係英文, 英文差會讀得好辛苦. 如果你英文唔好, 連AL都無辦法應付得好, 你要好好考慮自己係唔係真係應該考專業試. 專業試係要在指定時間內考完, 而且費用亦都好貴. 你可以先讀下LCCI初至中級睇下自己係唔係有興趣讀. 不過LCCI其實係極容易, 考得好唔代表乜.
會計是一個很注重學歷及經驗的行業. 大型上市公司請個會計部高級職位可以要求好多, 例如要大學學士或碩士畢業, 要求幾年big4經驗, 又要你有相關專業資格等等.
HD及ASSO方面, IVE及八大的附屬院校都有開課程. Degree方面有top-up及本地大學. 如果想入big4, 我建議本地大學, 愈出名愈好. 會計課程資料請自行上各院校搵.
2009-05-19 13:09:31 補充：
如果你問我咩學校好, 我對此真的沒有研究, 而且我無讀過HD/ASSO, 抱歉不能答你. IVE又唔至於好無用, 我一年前去會計師樓做都有幾個係IVE畢業.
