(20分) 急！！撞車及保險問題

[匿名]

2009-05-18 6:23 pm

轉彎位撞到前車，事發係兩車轉彎位停低，入彎前已見到對面線冇車，咁見前面車開車我就跟著比少少油，點知佢出左半個頭突然又再停低，我收唔到撞左埋去。

當時前車司機稱睇唔到所以停低，而且態度欠佳，所以報左警，冇立即陪錢，冇攞對方電話
警察話幾日後落詳細口供

1. 轉彎位唔會跟對方保持太遠詎離，對方都話自已睇唔到突然停下(出左半個頭)，但警察黎到佢就係咁話我應該保持拒離，又話係全部我錯，咁係咪一定係後車(我)錯？

2. 因我經驗少(未撞過)，我當時撞完之後入左後波向後左少少..但就冇同到警察講，簽果份圖係兩車分開既我又唔為意，返到家跟家人談起才驚覺..想問可唔可以改？會唔會受理？

3. 我係young driver (24)，會唔會有影響？以後會有咩影響？會唔會買唔到車保(我撞的是爸爸的車)？

4. 而家落左案，如果雙方都報左保險，之後先和解會唔會影響ncb??

5. 我可否打去警察部攞返對方電話？因為我怕影響到家人，想想下好似陪左了結件事好過

6. 人地係靚車黎，我可以用咩去游說佢收我幾千算數？係咪話佢nbc都會扣,上court又要等好耐等等？

7. 點做會對我有利d??

知道有好多問題，希望各位幫幫手，好急！！thx

回答 (1)

查

2009-05-18 7:57 pm

✔ 最佳答案

1) Yep，係你唔o岩。佢在先之前渣得幾咁戇居 (如果唔係你無保留足夠安全距離同留心前車) 都不會構成今之意外。
2) 不會，因為即使你移後o左小小 (好正常，因為要睇清楚損壞情況) 都不會改變你後車撞前車個事實。
3) 如果你私下和解不了而要上庭，你一定會被告不小心駕駛及扣分；係咁情況下，大有可能影響你買保險 (因為保險公司可以因你o既駕駛紀錄而決定是否受保或如果訂定你o既保險條款)。
4) 如果可以在警察做o野之前你地私下和解 (當然大前提係無人受傷) 咁無上庭，兩方無 claim 保險，保險公司自然當無事發生過，相方個 ncb 當然無事。
5)唔肯定，不過如果你有當日處理意外個警察聯絡電話你可以搵佢問你而家打算和解同想聯絡對方。差人當然唔介意做少 d。不過如果而家已經落o左案就可能多一重手續要你相方去交通意外市調查組到銷案。如果咩都無就可以以車牌去運輸署搵返個車主資料再聯絡和解。
6)而家係 100% 你唔o岩丫，對方根本唔駛上庭，佢亦唔會扣 ncb (因為佢可以要求你 100% 賠償) 。上庭罪名成立係罰你唔係佢喎，你百害無一利，佢百利無一害 (除o左要整車麻煩) 你搵咩利害黎『游說』佢？佢如果要你賠整車錢外，再 claim 你私人額外損失都可以。
7)你唯一方法就低低地同佢認錯，話你後生仔，無咩錢睇佢可唔可以收順 d (不過你已經錯失當日和解黃金機會，好難博佢唔知價收你幾千算數) 因為佢一定已經去車房打過價知道整車實價多少)

你而家咪計計囉，睇睇佢開口收你幾錢整車，睇睇呢條數相對於你老豆架車無o左個 d ncb 加埋你 d 罰款，邊個著數 d 囉。
經一事長一智囉，唯有！

👍 0 👎 0