佢係3月30日係某間公司返工，
咁返工個日，請佢個個人就比左張紙佢簽，
上面有職位;、月薪、放咩假及一D個人資料，
之後做左5日後發覺工作環境好差，
就辭職唔做，係4月4日以電話辭職，
總上班日期為3月30、31及4月1、2、3日，
共5日。
咁事後打電話問公司出糧嘅事，
公司話返寄票比佢，
點知去到5月9日先收到，
而且只出得三日人工，
佢同我講話，請佢個個人話，
公司4月1日先正式運作，
咁佢比個張紙我睇，
上面打左行入職日期係4月1日，
但佢就3月30日已經開緊工，
咁張紙上面嘅簽署日期就係3月30日，
想問咁嘅情況下追唔追得返3月30、31日嘅糧啊??
(我覺得個間公司係唔係計4月1日正式運作，
才開始計人工咁賤.......)
因為我朋友收到票後就好火滾咁打返去問，
咁請佢個個人就話佢返工不足一星期出唔到咁多，
公司只能按勞工條例出到三日嘅糧比佢，
咁我個朋友就傾唔到結果就收線，
我想問勞工條例有條咁嘅條咩???
(即係對方講咩返唔足工一星期，就無得出齊糧??
因為聽我朋友講，個個人講到佢收到三日嘅人工，
簡直就係老細人好你先有得出咁，聽到好火滾 ~!!!)
另外想問我朋友要求出糧的明細表，對方就唔肯比，
咁做得唔得架????
員工係唔係無權要求出糧的明細表架??
希望各方人士能夠幫幫忙，謝謝~!!!
更新1:
to: edmond_lst 但我個朋友簽個張紙個度會唔會影響到架??
更新2:
我覺得入職日期個到有點古怪， 我過往返開嘅公司，通常係過試用期先會出入職信之類的文件， 未過試用期就唔會出喎~!!! 我個人認為即使在試用期內都應該要出糧， 如果下下試用期都唔出糧的話，咁個個新入職的員工， 咪要帶錢返工???
更新3:
to：豬兜 經過我向勞工處查詢後，發現係無你所講的條例， 麻煩你查清楚後再先再答人問題， 你這樣亂答人的問題，很容易誤導其他人的~!!!!
