✔ 最佳答案
你可知道,屁量與食物係有幾大既關係?曾經有研究指出,一般人每日既放屁量係十四次。總屁量為半分升至一點五分升不等。睡眠時較少,飽餐後較多,令你放屁量少既食物:肉類、魚類同家禽類。中屁量既食物:馬鈴薯、麵包、茄子、生果同糕點。高屁量既食物:所有牛奶製品、豆類、麥芽、香蕉、紅蘿蔔、洋蔥、芹菜、提子乾同梅子等,高纖食物係健康食物,食物纖維愈高,進入大腸既纖維量就愈多。細菌既點心愈多,做成副產品就自然愈多。而屁內既氣體主要有氮、二氧化碳、氫氣同甲烷(沼氣)只有三份一人既屁內有甲烷,而其他三種成份每個人都會有。氮氣係來自我哋吞入肚既空氣,空氣內既氧氣會被腸內既細菌消耗,或被我哋吸收。其他既氣體係腸內既細菌將大便既食物殘渣分解後既產物。
講咗咁多,你覺得多屁放,係好定係唔好呢?