性格方面既問題

1,要去打敗一個有機心同自私的人其實答案都好簡單,你比佢更有機心更自私就得啦!
但我問你點解要咁呢?
2,要去打敗一個工於心計的人,答案都一樣係你比佢更工於心計就可以了!
但我一樣係問你點解要咁呢?
3,世界上有咁多人,你點可能做到比任何人都更有機心更自私更工於心計呢?
如果你真正做到最有機心最自私又最工於心計的人,咁你就變成身邊只有敵人無朋友,變成最孤獨又最乞人憎,咁你會點呢?
雖然表面打勝別人,其實等於打敗了你自己!
一個人對人處事的態度係由於先天的性格及後天的環境做成,所以唔可以希望有什麼特別的方法來改變別人對自己的態度,只有改變自己對人的態度,就一切都會改變!
唔好時時想要打敗自己唔喜歡的人, 點解唔用多d體諒關懷去化敵為友呢?
就萛你覺得佢係自私又工於心計,最多就同佢保持距離小心防範,就萛做唔到朋友都好過變成敵人呀!


2009-05-17 10:46:55 補充：
點解淨係你會日日俾人屈呢? 點解淨係你會俾朋友出賣呢?
每樣野都一定有原因喎!
如果你連原因係點解都唔知道,都唔明白,都講唔得出俾人地知,咁又點可以叫人地幫你解決呢?!
做人要有自知之明,千祈唔好用自己的弱項同人地d強項拼,自己係貓就唔好學狗去捉賊,自己係牛就唔好同馬賽跑!
你唔使灰心喎,每個人都有自己的長處,貓捉老鼠比狗叻,牛耕田比馬好,只要你做好自己本份唔好樣樣同人爭叻先係最叻呀!

樓上個位講得啱，你點解要去打敗工於心計，自私，同時又係有機心嘅人？
避開佢得唔得？如果呢個係日日屈你嘅人，你要争取其它人嘅信任，等佢屈你唔入。如果個個都屈你，你要客觀地分析自已有無錯，同有無辧法令人改變對你嘅態度，無法解决就要考慮轉換環境。
至於朋友，出賣既意思係佢利用你嘅信任去做出對你不利嘅事。所以要小心揀朋友，唔好交淺言深，就唔會咁易俾人出賣。