租屋面對既問題

搵屋租可經地產經紀、或睇報紙出租廣告、或地產網頁搜尋租盤，直接聯絡業主。
租樓要留意既地方，分兩方面講，
1.層樓本身既問題
要睇下窗邊、窗台、所房天花有無水漬，間屋滲水好麻煩；
要留意屋內水電門窗是否操作正常，例如水喉有無漏水、去水位有無塞、入牆電器煤氣爐等等work吾work；有咩問題都要業主整番先。
2.租約既問題
簽租約首先留意租約期，死約生約幾多年，生約期退租要幾多個月通知；
租金包括咩費用，如管理費、差餉、地租；
屋內設施維修責任屬誰，尤其業主有傢俱一齊租，一定要講清楚；
如果想裝修，要同業主講清楚想點整，退租交樓時使吾使還原。

水電煤最好自己申請轉名，退租時自己終止帳戶便可。
如果吾轉名，收樓時就要雙方一齊抄錶記錄，計番各自費用；
退租時一樣咁做。
吾想日後糾紛，簽約前講清楚條件，寫埋落租約，免日後爭拗。
如你第一次租樓，建議經地產，雖然要俾半個月租金既佣金，好多功夫佢地會做，好似到土地註冊署查冊確實業主身份、草擬租約、繳付印花稅等等。

通常經地產搵係最多盤最快 ka lor. 不過就要比佣. 通常係租金既50%
經地產都有個好處既. 佢會幫你往土地審裁處查核業主資料 + 安排簽正式租約 + 打厘印
租屋主要係注意租約細節啦. 付款方面, 最好全用支票. 有證有據嘛. 按金方面, 一定要開業主名. 唔好比地產有機會出古惑呀嘛
依家租樓, 一般都需要自行申請水電媒 ka la. 業主唔會同你咩. 你搬前自己 cut 番晒佢 lor. 申請水電媒都好簡易既. 打電話去佢地個熱線即可. 但需付按金