自動波停車問題

以考車標準，在“讓”位是可以不拉手制入"N"波，但如果真是要長時間停車(如果能預見到)，是可以拉手制入"N"波，這樣能顯出你自信、謹慎。
而另一師傅話停車時必須要拉手制入"N"波，這是考車時之標準做法，違反是會被扣分的。而自動波踏實break可免hand break又是正確的。如何使用就由你自己思考，這樣你就能得出獨特駕駛習慣

首先，因為叫『手制』其實唔正確，因為有不少車個『手制』係腳位到。之所以一般叫做『手制』除了佢通常係個手位到同埋用手來操縱外；最重要係佢係你o架車o既機組煞車系統以外一個獨立用人手去操作係o既一個制動系統。如果以手波車來講，『手制』o既角色係很清晰 (因為『手制』都以手波車o既操控及運作而發展出來)。但這個系統轉移到自動波車上就有出現一點架床疊屋情況出現；例如駕駛自動波車停車等候時已經踏實了煞車制而個『手制』很多時都不會用上。當然你可以轉去 N 波拉『手制』，但汽車本身的煞車比手動 ；1) 強力有效得多；2) 因隨時準備開車狀態之下，習慣上腳踏在 煞車制上不用離開是比較舒服一點；3) 省卻了推 N 制後又要再拉『手制』多餘動作。所以一般情況之下，自動波之司機都會直接踏在腳制 煞車上等候開車。再加上不少自動波車司機都試過中招o既；由 N 波入 D 波開車而唔記得放手制，係自動波車可以發生而難以察覺 。所以一般自動波司機都不喜歡用 N 波+手制 。
除非；
A) 司機預期等候時間頗長，例如預計以數分鐘計 ，拉『手制』隻腳就可以放鬆一o下，如果更長時候例如大塞車就一於入埋P 波慢慢等；
B) 在大斜坡等待開車，如上沙田坳道或係香港島考車「連道」那兒開車；因為無拉『手制』隻腳一離開 煞車制o架車大有可能出現流後，即使自動波車而然:
C) 基於其它原因而要入了N 波，就一定要拉手制，因為 N 波是無有制動能力。
唔同教車師傅都係各有唔同『手勢』問題o者。係要小心駛得萬年船o既咪停親都 N + 『手制』囉。不過你要明白咁樣會有可能你開車時會唔記得入番 D 波而行空轉，更差者係唔記得放手制 (而後者呢個情況係考車出現相信係肥佬機會都好大)。

2009-05-15 20:15:20 補充：
補充一o下：
你個師傅指示你o下o下先要N 波+手制、是要你用棍波車o既手法渣自動波車；唔可以講唔得，只不過你學o既既然係自動波車又有冇必要咁架床疊屋咁去控制o架車呢？
又咁講；如果係師傅話交通燈前要唔用腳踏制動而要用手制制動，咁你可以問問佢，如果有起狀況黎；例如最常出現係後車收唔切撞上黎，你問o下佢邊個方法個制動效果最好，對前後左右行人、車輛係最安全，同埋點解？