新手行山一問..急需要路線及交通安排

行山唔使學的,除非你平時冇做運動,或者畏高先要

因為你可能應付唔到太長程太崎嶇的路線

但你平時有做開的話,以及唔畏高,一開始根本唔使行呢D一星級既線

行山既目的都係為左刺激,挑戰,散心,解壓

為刺激/挑戰自己,一開波試下行麥四+五+六至城門,或360>鳳凰山

睇下自己體力點先,我見人地行第二次山己經行西狗牙了,都毫無問題(我當然唔得,我第二次行360都死死下,而家就當然順左好多,跑多D步有好處,但你行山唔係為左同人鬥,視乎自己點既姐)

唔好用新手呢個字眼,用散心代替好D

最好的散心地方有尖鼻咀至盛屋村+南生圍,雷公田至屯門,城門水塘,西貢麥里浩徑第一至第二段

而挑戰就試行麥徑較高星星的線先,然後再加長距離,不過我唔建議你咁快就入澗爬崖,蚺蛇尖,馬騮崖,吊手岩果D都岩你

香港郊野中有士多補給的地方有嶂上,昂平,分流,大浪西/咸田,城門等

另說主要交通方面
大嶼山果D唔使講,西貢得299,99,7號小巴,94,96R,29R村巴
馬鞍山有84R,所有去黃泥頭,西貢墟既巴士
林村有64R,603(逢吉鄉<>鳳翔路)
八仙嶺有52(粉嶺站<>水塘)75K(大埔站<>大尾篤)20C小巴(大埔站<>新娘譚/大尾篤,假日班次極少,令我極不滿意
圖片參考：http://l.yimg.com/f/i/tw/ugc/rte/smiley_12.gif
)
城門:82號小巴/城門道入/梨木樹入/安蔭入/大埔頭路入
石澳:9號巴士FROM筲箕灣/小西灣龍躍徑入
龍虎山唔使講,山頂入,薄扶林就都係得港二,香港仔就港三,行到港四就差唔多,搭6/6X走人)
獅子山就NR806(坪石)班次極少,行沙田坳道/慈北總站後既石屎樓梯一直上(非一條直路)
金山就城門入算,或搭72,86B,81
大帽山得51/64K梧桐寨上
大欖搭51至荃錦坳入麥九/麥十,正是你的需求
船灣:20C(平日班次極少至烏蛟滕)/56K(粉嶺至鹿頸)
東平州:馬料水碼頭上船,平日數班

其他果D唔講喇,都差唔多,詳情上網查










2009-05-15 22:27:12 補充：
麥徑相對係好易行的...辛苦咪坐低囉,但唔使驚,根本就冇咩危險
有晒指示,成堆公仔加埋箭咀,迷路係近乎冇可能的

行山是很好的活動，新手行山建議行程保持在5小時之內，先參加旅行隊，跟隨有經驗的行友，就可以減少很多意外，以後有經驗才嘗試自己組隊。
其實香港的自由組合的行山隊伍相當多，每周都有團隊行走不同的路線，難易程度都有註明，這些行山朋友都很喜歡有新朋友加入他們的活動。他們合辦了一個網頁"香港行山網"http://www.hiking.com.hk/ 在網頁內有介紹行山的基本常識，也有介紹路線的資料，還有接近五十隊的行山隊每月的路線資料，其中新界西的行山線(荃灣、屯門、元朗)是相當熱門，每星期必定都有隊伍在荃灣集合出發，你可以考慮加入他們的隊伍。這些隊伍有基本隊友、領隊，都是經驗充足的，加入他們的行列是無須特別申請，只要準時到集合地點報到就可以，一般都是糧水、交通費自備。
選擇加入旅行隊前，要留意那次行程的難易程度，如果有註明山高路急，無經驗勿參加的話，新手就不適宜了。最後我特別介紹一隊較適合新行友參加的旅行隊你考慮，本草旅行隊http://www.hiking.com.hk/org/herb/index.htm ，他們在行山的同時會沿途觀察、講解草藥，速度不會太快，所選路線大都難度不大。而且隊中經常有中醫師參加，如果隊友突然不適或出現意外，會受到一定的專業照料。希望以後在山上有機會和你打招呼！