倉鼠問題?我第一次養!倉鼠洗澡問題

A.養鼠可平可貴,睇你想點養既,好難真係計到幾多錢鼠糧一個月都食唔到一包,但計一包啦,木糠我就用半包最大既左右($30一條,我用既籠好大既),加埋都只係50-60左右,當然唔包間中要買沖涼粉,磨牙石之類.仲有如果睇醫生就另計,所以好難計到一個月真係用幾多$

B.買鼠時要買既物品及大約價錢:
1)鼠籠(數十~數百都有)
要揀一d地板,樓梯係冇一間間既,因為一間間既地板好易會卡住鼠鼠,我細個時就係因為咁而有隻鼠因為咁而死.鼠鼠好多都會咬籠,如果怕佢地成日咬,可以買一d較密封既籠.
2)水樽
多數籠都包埋,每次換水時必須用手試下係咪出到水
3)沖涼粉($30~65)
千萬唔好買有味既沖涼粉,有味既比較易令鼠鼠過敏,一星期沖一次,太熱時最多兩次,唔可以用水沖涼
4)磨牙石($10)
唔磨牙會死既,所以一定要有,普通既同鹽磚都ok,如果鼠鼠唔咬,就最好買d木制玩具俾鼠鼠咬,唔係隻隻鼠都會咬特定既野,因為佢地唔知樣物件係點用既.
5)轉輪(較大$30~55)
都係多數籠會包埋,但都要留意唔好係一間間有隙會卡鼠腳既,唔係都會好危險.鼠鼠好需要活動,而大多喜歡轉輪,所以都係必需品.
倉鼠係夜晚活動,日頭訓覺,怕嘈既話可以用一d安靜既轉輪,又可以搽d牛油落去個軸度,當然咁整要成日洗下個轉啦
6)鼠糧($30~40)
買一包咩都有d既混合主糧,唔需要買零食,我個人經驗係愈少雜食,鼠鼠身體愈健康,可以去到年老都冇病.唔好俾鼠鼠食蔬果,因為易肚瀉,又可能有農藥等問題
7)乾草or草磚 ($15-40)
鼠糧外可再買草俾鼠鼠食,而草磚有隻只係草既色,呢隻我好多隻鼠都唔會食,可以試下買有幾隻味既草磚
8)食物盆($10~60)
最好就用一d咬唔爛既食物盆啦,買一d大既不秀鋼食物盆之類就幾好用,大到可以放得落成隻鼠,食物唔易飛出,而且鼠鼠好鍾意成隻坐晒入去咁食野既,雖然會貴d,但好耐用又安全,我既鼠用開既,都用左好多年了
9)木糠($5~30)
可以既話買d較貴既木糠,因為冇咁碎,碎既木糠易令鼠鼠有呼吸道問題,而有味既木糠就唔好買啦,加埋鼠既排泄物味,係會好臭既,都易令鼠鼠敏感.
10)屋仔(跟籠or自買,約$30~50)
有屋仔會令鼠鼠住得安心d,較有安全感,唔好買草屋之類易爛既屋仔,唔係會整親鼠鼠
11)玩具(視情況而定,可以唔買)
除左轉輪,鼠鼠玩既玩具最好係鼠鼠專用既木制玩具,因為自己整既木易有刺,可以俾鼠鼠爬唻爬去,鑽唻鑽去既就多數都會玩,但要留意,買熊仔鼠既話,因為體形會較大,就唔適合買鑽唻鑽去既玩具,避免大左玩唔到or卡在內
唔好買波波球之類(有d係成架車,車上有個球,類似既玩具),都算係危險既玩具,因為通風做得比較差,而且鼠鼠被困入面,會令鼠鼠感到壓力,想像下你被困一個咁既物品入面,行極都出唔到去有咩感覺?所以呢款玩具唔係幾適合鼠鼠玩既

C.金毛鼠你係咪指小布丁?以前金毛鼠就是係熊仔鼠(熊人鼠),佢地既外表都較接近,而小布丁較細隻,性格一般,不算乖卻又不太惡,性格熊仔鼠就係常見寵物鼠中最大隻,但就十分溫馴,不過一籠一鼠既話養咩都唔會太惡
養咩鼠其實好睇你既個人喜好,詳細可參考下:
http://hk.knowledge.yahoo.com/question?qid=7009032100292

D.同鼠鼠沖涼既步驟:
1) 要將鼠鼠放去第個盆or籠度,我就用養龜仔之類既小缸同鼠鼠沖涼既.
2)將沖涼粉灑落鼠鼠身上,避免將粉整到落鼠鼠既眼耳口鼻.可以用手整少少粉鼠鼠既頭頂,再同佢掃下
如果佢郁唻郁去,你可以一隻手抱起鼠鼠,一隻手將粉整落鼠鼠身
3)用手掃下鼠鼠身上既沖涼粉or由得鼠鼠自己整走都ok.
4)再將鼠鼠整左落唻既粉整多2-3次落鼠鼠身上(用未用過既都可以,但唔重覆用會較好)
5)沖完涼將鼠鼠身上既粉掃走,咁就可以放返鼠鼠入籠啦.

同鼠鼠沖涼,要留意以下幾點:
1)要用沖涼粉,唔可以用水,唔係好易令鼠鼠感冒既
2)買沖涼粉都要記得唔好買有香味既,有味會有機會令鼠鼠過敏,敏感嚴重係會致命
3)唔可以日日沖,一星期沖一次,天熱最多兩次,成日沖涼會令鼠鼠抵抗力下降
4)盡量避免沖涼粉整到鼠鼠既眼耳口鼻
5)唔好將沖涼粉放入籠,唔係鼠鼠幾時沖左都唔知

另外,養鼠前要考慮既事及飼養方法,可參考以下我回答既知識:
http://hk.knowledge.yahoo.com/question?qid=7008031903236

養倉鼠大口即要幾多錢?

便宜:$20~$35

貴:$35~$100

第一次養要買咩?

大隻D,馴D,如熊仔鼠

金毛鼠和熊人鼠好嗎?

可以的,但初養大隻D好D

倉鼠洗澡問題?

在Q-Pet買一支鼠用沖涼粉

大約$68

輕輕的擦在鼠身體上

鼠的籠則用水沖一沖,用毛巾抹乾便OK了!