如何補償放棄可變後掠翼的損失？

樓主既問題的確非常好。依家的確無晒變後掠翼飛機，除左構造複雜之外，亦都係因為已有較好既解決之道，就係推力矢量發動機。
推力矢量發動機係三代半機或四代機既主要特徵，佢既概念好簡單，就係個發動機既噴口可以控制係噴射氣體既方向，從而令推力既方向可以更自由，令飛機做出以前傳統三代機無法做到既動作。
變後掠翼設計既理念係令機翼既後掠角可變，係低空時將後掠角減小以增加翼面升力，而高空時則變大後掠角以減少阻力。其實呢個設計既最重要原因係為左增大飛機係低空時既升力，令架機可以降落同埋係低空飛得順啲。但推力矢量發動機解決左大部份呢方面既問題，因為係降落時可以將噴口較到向地面多啲，於是升力大增。若要係低空飛得好，靠電腦調較快速控制翼面就可以。而且，如果真係想做埋垂直升降，甚至可以學F-35裝多把大風扇係機身中間。就係咁，變後掠翼就完全退出歷史舞台。

2009-05-19 19:13:59 補充：
樓下志雲兄講既亦係變後掠翼唔再流行既原因。由於現代戰機隱身性能比機動性重要，而變後掠翼會加大機體體積及複雜度，不利隱身，所以不會在現代戰機出現。

問題是後掠翼之好處變成無效時，為何還要保留。
正常狀態戰機是將機翼盡量伸展，以得到最大掛載能力，在作戰時就可將機翼後掠，以取得最大機動力。
但現在隠形技術主宰現在、以至未來之戰機，強大掛載能力相對冇需要，因此亦不需要後掠翼