[求救]急欲申請寬頻的疑難...

我最近有個親身經歷，只係想同你分享下，畀少少意見你，希望你作一個參考，同埋希望幫到你。如果你諗住申請和記，我勸你最好唔好喇。我之前一直用開Netvigator，合約岩岩o係5月4號到期，因為我嫌貴，一時貪平，就o係街申請左和記，但原來呢個就係惡夢ge開始。岩岩約滿Netvigator，我就即日o係街申請左，即日5月4號裝左和記，當日裝完之後，一直不停係咁斷線，由裝果日到今日，日日係咁斷線，頻率密到每30分鐘至少會斷一次，有時連完線之後即刻斷，真係好離譜。我打左好多次電話上和記查詢，呢個幾星期，和記d師傅上左黎幾次，個情況都係一樣。其實每次打電話上去，和記唔係話叫師傅上黎我屋企睇，就係話叫我off左個modem個power，等2個鐘，佢地會set up返個server，又話會加強訊號咁，次次都等2個鐘，一日又有幾多個「2個鐘」去等啊？等得黎，佢果個「技術支援部」就收晒工，又要第二日打去搵佢地幫手。搵多幾次師傅上黎，又或者佢地話點樣加強d野之後，佢地就會話要畀多2日時間...等等，總之佢地一味靠「拖」。仲有，每次斷線之後，一定要boot機先可以再連線囉，都唔知點解，我以前用開netvigator，同埋好耐之前用過ge香港寬頻都唔會咁囉。我本身用window xp，但係最唔知點解ge就係，佢每次斷線之前，螢幕下面，「開始」果一堆野就會變左window me，全部都係灰色ge!!都唔係咁ga!!以上情況，唔係誇大左，事實上，日日都係咁，如果你唔信，你可以裝黎試下。所以，有見及此，希望你真係唔好用和記，一定後悔!!我建議你都係用香港寬頻或者Netvigator，呢兩間最好，至於有線，我有frd用過，但係都係會成日斷線。
關於交月費，我之前用過netvigator同埋香港寬頻，2間都係每個用ATM過數，但我申請果陣係打電話去hotline申請的，如果o係街申請ge話，一般好多都係要用信用卡過數ge，但係多數o係街申請會比打去hotline平d，或者係優惠多d。