點算好呀?邊個可以幫我解答我以下既問題呀?

我之前同一個男同學拍拖,從11月拍到1月,佢就同我講,我地依家仲細,日後大把機會啦!佢話要同我和平咁分手,我都唔知點解我會答應同佢分手既,我果陣聽到既時候,真係好想好想喊嫁,不過喊唔出LO,既然呢個係佢既決定,咁我就聽佢話啦,咁咪做番朋友LO,佢成日話我同佢唔岩呀,又話我地好似成日都嘈咁,一點都唔似拍緊拖咁WO,但我有d同學就支持佢,有d就支持我,有d朋友話我地成日嘈,又真係唔係咁好既,但有d朋友就話嘈係一種情趣黎嫁嗎,咁我信邊一邊好呀?你地幫下我啦!
仲有一個問題呀,我地自從分左手之後,就無之前咁好傾啦,我地一番到學,就會好怕同佢講野,因為始終我地都係拍過拖呀,總唔會好fd既,有時我同佢講野,有時佢會同我講d gag lo,都無咩野講既,仲有呀,佢對我差左呀!有幾次都係咁呀,好似上次咁呀,我上台做司儀,咁做司儀,講野果陣一定要有感情嫁啦,到完左之後,佢又好似唔係同我講野咁,唔知對住邊個講野,但我知佢一定係話緊我,你地知唔知佢話我咩呀?佢話我講野講得好假,大老呀,講野唔使d感情嫁?佢話同我平時把聲一點都唔似wo....跟住有個老師同全部人講,頭先個司儀(即係我)講野講得好好呀,跟住我笑左一笑,因為我好開心,佢就以為我驕傲,又唔知同邊個講野,但佢又係話緊我既,佢話:好個屁咩! 哇,我果陣聽到之後勁想罵佢lo,但我唔想比老師罵,所以先無罵佢炸!仲有一次呀,有一次我唔記得敲門就入左課室,跟住佢無啦啦話:咁無禮貌嫁! 一定係話緊我啦,對住我講嫁!我都係唔記得姐嗎,使唔使咁呀!我其實係聽得好清楚嫁,我當聽唔到炸,廢事又燒起我把火啦! 仲有,真係最後一次呀,我同我同學傾緊計啦,跟住我同我同學唔知講緊咩啦,我肯定我係無講錯野既,咁佢又聽到wo,無啦啦同我講:咁無品嫁! 哇,佢做咩事呀?我又唔係同佢講野!好黑人憎lo....仲有,真真係最後一次,老師同我地講話會check我地d電腦功課,有好多既,跟住我未做哂呀嗎,所以我聽到之後咪好驚咁細細聲叫左出黎lo,又比佢聽到wo,佢竟然同我講:車,你都做哂啦,驚咩姐!唉,你呢d人.....真係....唉! 跟住佢狂係到搖頭,即係佢覺得我做左都咁驚,好似..........即係唔知點講呀! 跟住我同番佢講:更唔係啦,我有好多都未做嫁! 佢唔信lo,又狂係到搖頭wo....唉,我都廢事同佢嘈啦!
點解佢成日都咁留意我講過既野嫁?又唔見佢留意我d朋友?
仲有呀,點解佢對我咁衰嫁,我有時冇得罪佢,佢點解又會無啦啦串我嫁?幫我解答下啦!