我既煩惱係關於師生戀既...

老師同學生拍拖係有身份衝突嘅，你諗吓如果一個老師同一個學生拍拖，咁個學生嘅功課，應唔應該畀分畀鬆D呢？如果個學生做錯嘢，個老師應唔應該罰輕D？咁對其他學生唔公平，老師對愛嘅學生寬鬆亦令佢學唔到嘢。所以師生戀的確百害而無一利，樓主都係專心讀書啦！

其實你可能只是一時迷戀
不是愛...

咁細個, 又青春期
所以一定會有D咁GE幻象

而且佢係老師
你地好大差距
佢又有女朋友

專心讀書啦!!!

我都試過暗戀老師,雖然年紀唔係差太遠,不過我相信呢種只不過係愛慕,唔係所謂嘅愛情,你只不過中二....我覺得你哋最親密都只係去到友情/阿哥細妹,而去到愛情機會好微,而師生戀都唔係話無,我間中學試過有個中七男學生追到個女Miss,仲贏哂Miss其他追求者,之後個Miss為咗愛情選擇咗唔做老師....都算係一個唔錯嘅結局,不過係萬中無一,好難出現嘅事~你可以鍾意佢,不過唔可以影響到佢,希望你做到啦~

2009-05-12 00:39:10 補充：
不過你要記住,你呢種嘅鍾意,唔係所謂嘅愛情~

跟本就唔係鐘意, 日日見有d感情咋!

男老師平時都好肯教, 係應該喎, 唔係特別對你好! 老師更係要好啦, 份工黎ga, 唔通好似做收數甘對你咩!

唔應該繼續鐘意佢, 仲有女朋友, 仲細個, 大個左就知出面仲有大把好男人!

讀好書, 做到高職位, 就大把男仔追!使咩自己搵! 教書人工唔高, 真係跟住佢, 你都做到死!

我先表明我係支持 [ 愛同年齡無關既立場 ]先 .

首先佢係老師,身份上係唔可以同你有師生以外既親密關係.
除非佢可以為左你唔做老師,但係我相信一個為學生好既好老師一定唔會為左你唔做老師.( 100%肯定 )
你唔應該繼續鐘意佢,冇機會發展.佢仲要有女朋友tim.

我個人估計 :
或者你對關懷而產生左錯覺以為係愛卦...
又可能你係鐘意d成熟d既男仔.
哥哥我25歲ga,應該比到果位老師要比你既答案.