請問太平道寵物診所嘅獸醫好唔好，服務態度如何？信唔信得過？

我有兩隻貓係0個度做個一次絕育手術, 第一隻做完都做得唔錯, 冇病冇痛 ; 但第二隻都係搵同一個醫生, 但好奇怪某醫生明明主張開側邊, 但今次竟然開肚, 而家貓女傷口發炎, 紅腫一大舊, 都幾擔心..令我不禁懷疑 : 事實由另一位醫生做....如果真係咁.. 係關乎醫德了... 以上是我的想法 , 發問者自己再想吧!

服務態度可以話好差 , 即使預約非繁忙時間 , 好似星期一1.00 都可以要人等1個鐘, 但見到醫生行黎行去, 係冇症睇緊.... reception 班女人扮忙, 佢地唔係做野...又惡, 冇禮貌...

不如搵過另一間啦~

貓貓13歲糖尿指數嚴重，醫生建議入住24小時看護診所，找了這間太平道庸醫診所，住院11日(三萬幾),主診Dr.Karen，只要醫好貓貓，要驗乜、照乜任由醫生決定，糖尿是肯定的(驗血糖有指數睇嘛)，胰臟有發炎，腎臟也不太好(無話有腎病)，無脂肪肝。

醫治方向糖尿同胰臟，處方糧MD，第一次出院，回家好轉，但唔食MD糧，其他嘢就食，每次覆診都提出食糧問題，每次答覆一樣處方糧，唔可以食其他糧(會影響個腎)，貓貓覆診一次輕過一次(都當聽唔到，糖尿貓係咁)，後來連最鍾意嘅食物都無興趣！貓食知識有限，只能相信繼續強灌。(每次覆診+糧都仟幾至二仟幾)

貓貓突發疴嘔，主診放假，Dr.甘看診，醫治方向轉為醫腎(無話有腎病)，再覆診轉Dr.甘，尿酸高要佢即時入院，食降磷藥，糧轉KD，住了6日(萬幾)，感覺唔到有特別醫療，所以要求出院。

貓貓由最初4.3kg，到最後得3.3kg，身體越嚟越虛弱，上個星期六覆診完，前晚(星期一)突然倒地，張口伸脷呼吸困難，一路按摩背部，回復正常，急坐車送庸醫診所，立即同姑娘講述，話會比氧氣佢聞，急診(1仟)又係死肥鬼佬Anthony，hea 到暈，其間等咗接近兩個鐘，居然話貓貓係唔係心臟病(乜診所唔係有佢病歷係電腦咩！)，跟住話都唔知貓貓乜嘢事，但佢而家咁虛弱，應該過唔到夜，比3個建議，安樂死、診所等死、返屋企等死。(尿酸高需要急治療，危急就唔需要治療，急診就係安樂死呀？唔明點解人類又可以急救到?)

後來入去睇貓貓情況再決定，點知經過成兩個幾鐘，乜嘢都無做過，淨係放係籠到，氧氣呢？決定當然係帶返屋企，再揾其他醫生，預約咗今日下午，點知貓貓捱唔到兩日咁耐，昨晚走咗！！！

有睇住醫生，無話到病情咁差，除咗要你驗嘢時(驚嚇你唔死，又驚你唔驗，有咁差就講咁差)，到最後除咗糖尿，根本就無肯定過係乜嘢病，全部內臟都講晒，仲要一直狠心強灌佢食處方糧(好後侮，垃圾糧)，跟足份量餵，點解攪到佢好似餓死咁，錢已經任你攞，你都醫返好人哋隻貓呀！貓貓都係一個生命嚟架！三個半月時間就拖死我貓貓！！！

呢間嘢只會向錢看，醫德同醫術都麻麻！

千其唔好去pet central , 個度啲獸醫無人性，禽獸不如。
我隻狗仔就咁俾佢(Dr M_rk B_njamin)害死左，無check 清楚就做手術！
之後仲要死撐，那個董事戴X蓮更是不知所謂，
唔想再有無辜既動物受害
呃錢都唔在講，仲要心愛寵物既命都賠上了
要睇獸醫：
推薦：
非牟利獸醫服務協會
伙伴動物公社獸醫診所 (Alex)
方舟動物醫院

我既意見只係供閣下參考, 因為上月我有隻14歲的狗唔肯食野, 又嘔, 於是帶左去佢地到, d 獸醫只係問我隻狗咩事, 睇都冇睇兩眼, 就報個價問我同唔同佢留院, 初步只係話佢老, 好多身體機能退化, 咁我當然想佢地點都救番隻狗, 入左去4日, 終於都死左, 冇講任何死因, 只係每日打黎叫我同隻狗要驗呢樣果樣, 又幾多錢, 佢地既醫術點, 我唔敢評論, 不過就咩都係錢行先, 所以你都可以問多幾間, 好d囉

其實都OK 的,可以問多幾間
http://www.hkpet.net/big5/doctor/

太平道寵物診所(PAVC)據聞都係彈多過讚的診所

都唔錯,醫療設備齊全,是一間狗醫院。 醫護人員都好好,我有2隻愛犬都係去過道睇,一隻(16歲)跌斷骨都醫好左,另一隻16歲半因她年紀大加上又有癌病所以要送她走了。
價錢比出面可能會貴d,但有心想醫好隻愛犬就不要去衡量,又其是年老或嚴重既狗狗,佢哋要chick好多嘢都係想凖確d對証下藥醫好佢哋,但(pavc)係覺得真係有須要先幫佢哋chick唔會亂咁黎,放心吧!佢哋會睇狗狗情況,必要時會轉介比專科醫生睇!

收費可以分期比,我都係分期比,慢慢供番囉!亦有分三段探病時間。