宜家應該買樓定係租樓好?

拿你諗下買樓系供完之後唔洗比租 但系重要交差向 加上e+ d 樓開始爆升 建議買樓既話宜作投資 不宜長住 點都好 長住既話 緊系等佢趺先買 e+都系租住屋先啦 平均幾年就會趺一次 睇準個時機 實有錢淨

無錯,買樓係自己的資產,但要小心係負資產

都係租住先啦!

我想你可以從地產商方面看,他們的手法一直都是把樓價推高,賺他們的大錢,但現在卻好像用賤價出貨,他們都是掌握第一手消息的人,現在他們的想法是怎麼樣,香港樓市將會怎麼樣,留待你自己想想吧...........

話晒, 而家豬流感全球有抗散的跡像,
股市蠻牛亂衝亂撞, 很大機會技術性調整10至20%,
政府都話未來的日子仍很困難,
咁做乜仲咁心急? 你睇而家d地產商都以低價賣樓你就知道樓市會點走, (地產商冇理由有錢唔賺的, 係咪)?
我個人就話 而家 個樓市是小陽春 (因為近期升番好多), 最好等樓價回吐最少5%至10%再入市。
話晒大拿拿幾百萬, 如果買左之後個樓市跌幾個%, 你咪話唔肉痛?

其實我幾同意002號網友所講.

我自己做左咁耐agent,都睇唔通幾時真係叫做最低價,老實講,個市跌及樓價好平時,你會俾藉口自己,仲有得跌,驚自己自己買貴左,到而家個市升,你又話貴,要等跌市先買,咁樣搞法,你真係成世都唔駛買樓.好似沙士時期,個個都驚失業,你夠唔夠膽買樓?你又點知過左一年半載就大升?

其實我一向都同客講,如果自己財力不足,買樓要借到8,9成以上,咁我唔會建議佢買,始終風險太大.但如果自己有首期,借7成左右,自己又供得起的話,咁樣買樓其實係一個保值及儲蓄的好方法,尤其係而家d股票及基金咁波動,太難捉摸,阿媽傳統智慧,買磚頭始終比較穩陣,我覺得係o岩o既.

所以,我個人覺得而家係買得過,不過最緊要四個字:量力而為.

依家買樓/租樓分別不大.

(1)租個私人屋苑3房單位平均租金11000左右,買3房單位平均300萬左右,3成手期月供12000-13000.

(2)如果你成日睇住個市買樓,好難會買得成.最重要係你買樓既用途.自住/投資 兩者有分別.

比個意見你,97年金融風暴,當年超過10里息.樓市用左6年時間先開始回復正常.08年7月金融海嘯,用左4個月即11月已經開始回復正常.租間3房11000租金的話,兩年開支已經264,000
相等於300萬樓價既一成左右.o甘兩年後樓價上落會唔會有1成呢?個人意見...如有能力應付當然買會好過租.因為始終係自己資產.