✔ 最佳答案
雖然我唔係成日打機,但我好認同kaikai_ruki ge講法,我最近岩岩裝左和記。
我之前一直用開Netvigator,合約岩岩o係5月4號到期,因為我嫌貴,一時貪平,就o係街申請左和記,但原來呢個就係惡夢ge開始。岩岩約滿Netvigator,我就即日o係街申請左,即日5月4號裝左和記,當日裝完之後,一直不停係咁斷線,由裝果日到今日,日日係咁斷線,頻率密到每30分鐘至少會斷一次,有時連完線之後即刻斷,真係好離譜。我打左好多次電話上和記查詢,呢個幾星期,和記d師傅上左黎幾次,個情況都係一樣。其實每次打電話上去,和記唔係話叫師傅上黎我屋企睇,就係話叫我off左個modem個power,等2個鐘,佢地會set up返個server,又話會加強訊號咁,次次都等2個鐘,一日又有幾多個「2個鐘」去等啊?等得黎,佢果個「技術支援部」就收晒工,又要第二日打去搵佢地幫手。搵多幾次師傅上黎,又或者佢地話點樣加強d野之後,佢地就會話要畀多2日時間...等等,總之佢地一味靠「拖」。仲有,每次斷線之後,一定要boot機先可以再連線囉,都唔知點解,我以前用開netvigator,同埋好耐之前用過ge香港寬頻都唔會咁囉。我本身用window xp,但係最唔知點解ge就係,佢每次斷線之前,螢幕下面,「開始」果一堆野就會變左window me,全部都係灰色ge!!都唔係咁ga!!以上情況,唔係誇大左,事實上,日日都係咁,我以前用netvigator就一定唔會咁囉。
斷線次數勁密,有時都冇心機再打機喇。
所以,真係轉左佢啦!!用HKBN或Netvigator最好囉。如果仲有合約,可以搵消委會幫手,我依家都搵佢地搞左份合約。