去菲臘牙科醫院cool牙的過程係?

1)菲臘牙科有通告話唔接受COOL牙新症，
你可以打電話去問，不過，通常都無人聽，
要睇你好唔好彩，點解咁講因為我都試過打同親身去過，
坐係度等果時見個電話响到爛都無人聽。
2)如果你想攞到籌係要六點幾去排隊，
不過唔想咁早可能會有下午籌攞，不過又係睇你好唔好彩。
3)第一次係俾$45元，然後見醫生，照X光，
等醫生決定你有無醫學價值，如果無佢會叫你去私家，
其實係博一博，等半日。
4)我有壞牙等問題，但醫生話你最好都係出去私家做，
我D牙係好嚴重個種，但佢好似無所謂咁，聽完好心灰。
但係就轉咗去清潔衛生個部門，要你學注意牙齒清潔，
係D牙醫助理班女仔教你點擦牙，根本同想整牙係兩回事，
你要用一個上午或一個下午的時間去俾佢做實習，
好似番工咁9:00至1:00或2:00至5:00，
你最好係食完嘢同去咗廁所先去，
我就足足俾攪咗四個幾鐘頭但又無食嘢同去廁所。
最後第二次都係教你點擦牙同用支好尖的工具了D牙，
話下次可能係可能會同我洗牙，不過就收咗我$270，
都唔知下次又做D咩???
好無奈，覺得那裡D醫生很散慢!!!

好寶貴的經驗, 多謝你