啲人話用洗米水去淋花, 啲花會靚啲, 係唔係真架 ?

我就話睇你點樣淋法,同係乜野環境啦!
如果你d係室內植物,淋完洗米水之後包你好快就發出酸宿味,同埋生d細蚊仔出來呀,咁就唔係d花靚d,連d葉都花斑斑添!
但係又唔話得以前d人講錯晒喎,因為以前d人花草多數種在室外庭園,以前又無乜野花肥,咁就間中淋d洗米水,或者加d茶葉渣落去做肥料啦,雖然初時有d異味或者蚊蚋都無計,因為地方空曠俾太陽晒幾日又ok咯!
但係現在家居環境唔同,而且有咁多不同種類的花肥賣,栽植花草仲點再可以用呢d原始方式的有機肥喎!