✔ 最佳答案
乜都唔駛做。佢連上司都敢串，遲早自己會撞板。
如果一定想做 d 嘢，就學西人話：
give him enough rope to hang himself !
放長 d 繩俾佢等佢吊頸吊得死
或者跟番我地中國人話，做：[西南二伯父]。
猛讚佢，等佢越來越過份，實快 d 揰板。
2009-05-10 12:12:38 補充：
自負嘅人弱點就係大禍臨頭都唔會估到或見到，又因為仇人多，人地見到都唔會出聲。‧好易死。
參考: 自已意見
其實你應該唔好用對付既心態去對待你呢位同事,應該係接納,因為呢種人本身既自卑心其實十分重,所以就裝作自負,好似乜都叻過人咁,你要以德報怨或者去愛你呢位既仇敵,佢一定會比你感動到,話唔定仲多謝你或者同你做左老死添,聖經所講既愛,就係令人醒悟既最強武器,好似學柴九哥話齋「人有幾多個十年」,你與其同佢死纏,不如感化佢,企係你個邊,多個朋友好個多個敵人,怨怨相報,何時了呢?
你可以用錄音機錄低佢同人辯論既成個過程，要由頭到尾，仲要係幾次唔同既事，寫低內容放上知識+，等大家分析佢說服別人成功既地方，捉到佢既思路習慣就可以反攻。
但其實佢只係得把口叻定真係有料到先，通常有真材實料既人先至會連上司都唔驚。
說服力絕不等如工作能力，佢到底係邊樣？如果人哋工作能力比你高，智慧比你高，諗嘢又諗得比你全面，你提出既意見就一定要係有份量既好意見，否則唔怪得人。
2009-05-10 22:23:55 補充：
你睇睇呢本書可唔可以幫到你﹕《厚黑學》，作者李宗吾。不過你都可能已經睇過。
如果佢真係衰人就一於用厚黑對付佢！
一個人說服力真係可以令人無法反駁? 咁佢都真係幾本事.
其實一個人無論講話幾叻, 說話中都一定有弱點, 最怕係即使講中弱點佢都仍然死撐, 講埋d歪理去解釋, 有時唔係駁佢唔過, 而係根本講緊的已經係無point, 好似邊個啱多d, 邊個啱少d, 邊有得駁, 呢個情況根本講落去都無意思.
我地一般對付呢種人的方法最好就係盡量卑視佢, 當佢講話係白痴, 無論佢講什麼大道理, 都 "哦", "係咩", 擺出一副根本無興趣同佢講落去的態度, 好快呢d自大的人就會被打殘, 因為佢越自大, 就越忍受唔到人卑視, 自專心受打擊莫過於此.
easy 啦!!
就係唔好理佢, 唔好同佢講嘢, 即使在工作上, 有嘢講, 都係一句起兩止, 有咁少得咁少, 但表面上要做到冇嘢.
下晝食飯唔好預佢, 等佢食自己.
但通常自負嘅人, 都會好自我, 真係可以完全唔出聲, 做自己嘢, 所以呢個方法未必有效.
但其實, 點解要對付佢呢??
2009-05-10 21:14:49 補充：
咁有冇影響工作?
如果有, 而佢人工又高, 依家金融海嘯, 實行同佢上司講, 如果大老細要交[人名表], 就排佢第一.
費事同佢勞氣.
