✔ 最佳答案
唔知你係男性定女性呢?
今年幾歲?屋企入面有冇人都有脫髮問題?頭部有冇異常出現問題?(例如頭油頭皮頭癢多左...之類既問題)
脫髮有好多原因既...上面d其他回答者大致上都答哂
我跟本唔知講乜好...
例牌點樣都幫下..皆因我都有脫髮,好明白你既問題/煩惱
首先我要俾你明白一點先,唔好話我太麻煩/打得太多字,我想幫你
正常黎講..每一個人平均每日甩100條都叫做正常
有甩有生,100條裡面有10條都係「暫時」唔會生,,我地稱為休息期
休息完會自動再生返,就好似睡火山既道理一樣,至於幾時會醒,呢層好難講
其餘90條好正常甩完之後再生返
如果超過呢個數字(脫髮數字「100條」),好明顯就有問題...咩問題我就唔知,因為我唔專家/又冇睇過你個頭..
你會問...「有咩方法可以唔脫髮?」
方法係有..不過要先知道你到底發現左咩事先
例如雄禿、壓力大、有病..詳情你可以睇下其他回答者既答案,呢點我唔想再多講
如果未知道自已有咩事就去亂買防脫法產品/生髮水..什至使用埋民間方治療等等既話
一旦無效..或者令情況惡化落去
我夠膽話你會唔知點算好...
所以最好請快去睇左醫生先
得到左一個明確/專業既答覆..好自然心情都會好d,起碼知道應該可以從邊度入手
處理/治療
仲有..治療脫髮問題,唔係單單一個星期/一個月就可以搞掂
時間可以長達幾年,數十年
呢個猶如戰爭,係長期既..唔好以為唔脫就等於冇事
最後...治療係需要講求早的,愈早治療,好返既機會/時間就會大/快
或者我打咁多字..對你黎講冇咩幫助
但我真係好希望你注意下我說話