大家俾下意見我這是否受到懷孕岐視!

我在依家公司工作了3年多, 係今年2月頭發現懷孕, 但係因作小產, 所以成個2月都放假係屋企休息, 3月頭返工都無事發生, 但到了4月頭我請左1日病假, 一返工就發覺枱面的所有文件無晒, 又用唔到電腦, 入女經理房問點解, 佢先批評我無能力勝任依家的工作, 又指我有好多問題 (但之前一0的都無提過), 又用好唔禮貌的語氣趕我出房. 雖然隔日叫我入房再傾, 叫我忘記之前0的野, 唔好再提, 但就暗示我唔好放咁多假, 話我成日放假會影響其他同事, 但我之後日日坐係公司度無野做, 依家全部同事都唔理我, 當我透明, 因為佢地知道個經理唔鍾意我, 所以都唔會同我講野, 其實我都聽過唔少呢個經理的事, 佢之前試過逼2個佢得罪左佢0的同事調走 (我公司都好大, 如果炒人要填好大份表, 所以個經理唔會炒人, 但就會用手段逼你走), 上年我仲聽過有個新0黎不久後就大肚的同事, 又係成日放假, 個經理唔批, 但就俾人事部問過點解唔批, 但最後結果係點我唔知道, 只知道個同事放完產假後就無再返工。

我有寫信同人事部投訴過佢, 但係佢地只係話會同經理講再俾野我做, 但係我其實係封信度係投訴個經理係懷孕岐視, 但佢地就當無呢件事, 我好唔開心左成個月, 覺得好受委屈。

你地可唔可以俾下意見啊! 我咁樣係唔係受到懷孕岐視? 我係唔係應該向平等機會委員會投訴佢?