同條仔冇feel,應唔應該繼續

我覺得你係應該問自己鍾唔鍾意佢~

如果對佢冇feel, 你做乜同佢攬到咁實? 唔通玩玩下的人係你嗎?

同埋......我覺得佢好明顯係鍾意你架, 因為只要鍾意對方才會為佢改變, 同埋講野態度變溫柔, 你唔見佢同其他朋友甲講野咁溫柔~

諗番自己ge問題先啦, 係未鍾意人, 唔係就講清楚, 唔好再搞曖昧, 費事hurt得人地更深~

2009-05-10 02:59:37 補充：
或許你對愛情呢樣野仲係好含糊, 唔多清楚到底係點, 不如用另一個角度來問你, 若果你冇左佢响你身邊, 你會點, 會唔會好失落, 或唔願意去諗呢個問題, 或甚至會有點想喊出來, 又或著, 攬實佢嗰種感覺令你舒服到唔想放開,

2009-05-10 03:14:26 補充：
若果有, 咁你應該係鍾意佢, 對佢有feel, 只係你係比較慢熱嗰種人啫, feel到"好有安全感同埋溫暖", 唔係個個男仔都比到你呢種感覺的, 至於冇心跳加速, 有可能係你地好自然咁响一齊, 而佢把口又笨, 唔識得表達自己有幾鍾意你, 冇甜言蜜言, 所以冇心跳加速, 但你要問自己鍾唔鍾意呢種安全感同溫暖的感覺? 鍾意ge話就唔好放手, 自己試下努力d, 唔一定樣樣野都要人地先付出, 當你肯試著為佢做某些事情時, 可能你就理解到咩叫做愛情了~

2009-05-10 03:17:21 補充：
佢唔俾你食咁多煙, 唔係因為佢自私想獨吞, 而係愛你才會想你好, 寧願自己死都唔想你有事, 意思同你唔想佢食咁多煙係一樣的~, 簡單d問番你, 你點解唔想佢食咁多煙??

2009-05-11 11:13:51 補充：
俾人愛的感覺係好開心同好爽, 但冇真實感~
所以很多人都會講"幸福係自己爭取的",
意思係......自己付出過愛的感情才有價值

都係嗰句, 自己諗清楚想點, 呢度己經有好多人俾左意見你, 但我覺得你仲係渣唔定主意, 仲未諗到自己想點, 一直拖落去只會令事情更加收唔到尾~

希望你可以找到一個令你願意付出的好情人啦~!!

既然都冇feel啦, 頌行喱做咩呢!?

兩個人係埋一齊,大家都鐘意對方,就已經算係拍拖了.
每段愛情都要經過過無數考驗先會長久.
熱戀期通常都係持續兩~三個月,而過左呢段時間就係感情.
你同你男朋友日日都會見面,所以會冇左以前種感覺.都係正常的.
問心你呢一刻都會矛盾繼唔繼續一齊,顧及到佢既感受.
答案已經出黎.你依然係鐘意佢.
睇哂你所有回覆,你應該知道佢都同樣地鐘意你.
講到戒煙呢方面,可能你比到種不安既感覺比你男朋友.
所以佢心情唔好先會食番煙,其實你可以同佢坦白,你唔鐘意佢食煙.
只可以講句,鐘意一個人會為佢改變所有壞習慣,會為佢不惜付出.
你仲年輕未經歷過太多事,未學會珍惜.

佢就搶左你包煙話, 對哂成包
都係為你好
係因為佢緊張你
唔想你食
佢可能知道自己食唔好
就唔想你食
佢肯對哂成包
講到尾都你為你好
鐘意你
你唔想佢食咁多
佢就係唔想你食
至食曬
男仔係咁
我相信佢唔係想報仇
講真
佢肯''組則''自己
又俾你鬧
都係唔想你食~
可能你同佢拍拖
得都左之後就覺得冇乜咩
但係你失去左之後就會發現
你可能都好愛佢
只係有ga時候唔覺得特別
不過e d野
都係問番你ga feeling la~

佢知你呃佢你淨係食左8枝煙..佢就搶左你包煙話(我對哂成包佢)

佢可能係緊張你為左你好

我只可同你講
佢係好鍾意你
但唔係幾識點表白
而且我覺得佢都幾愛面子的人
但係我覺得佢係鍾意你
等我講你知啦
煙引~佢可以為左你食少d
_________________________________
佢以前lunch多數會同班fd打波
但係呢排佢成日都唔出去玩,陪我
我覺得自己好似阻住佢玩咁樣..
-----------------------------------------------------
千奇唔好覺得自己阻住佢
佢陪你係應該的,<-----如果佢係鍾意的話
如果佢為左玩而唔理你呢?
你會點諗~凡事都要睇兩面呀!!
_______________________________
我今日問過佢點解鍾意我..
但係佢只講因為我靚,我同佢講,因為靚就鍾意既話,咁成街靚女都鍾意啦
--------------------------------------------------
你個問題問到重點啦- -
成街都係靚女,點解係鍾意你呢
仲有,愛情可解釋的
就不是愛情了^^(我知好老土- -但係真的麻)

至於你呢
其實你未了解佢姐
6個月半年
真正係埋一齊得2個月
了解的地步( 有限 )

至於佢唔扯旗問題- -
我覺得你去問下佢會好d......

希望你得到你的幸福

No,可能佢對你是玩玩下,要認真問下,但唔好太偏激,如果唔是可能會分手.

你話feel唔到佢扯左.....你點feel?用手定.......?
可能你對[愛]唔多認識,愛唔等於性,佢可能真係愛你,
而佢既目的又唔係同你發生性關係,
咁真係恭喜你,佢可能真係變乖左
除非佢有其他原因....
你話冇哂feel,係咪佢平時比較悶?
你其實係咪平時攬得人多,所以冇feel?

1) 我覺得佢係中意你
2)如果你真係玩玩下,你就放生人地啦,佢都算好仔一條


愚見,如有得罪,請見諒

可能佢對你是玩玩下,要認真問下,但唔好太偏激,如果唔是可能會分手