我比別人晒命,我應當認命嗎?

所謂人比人比死人, 唔用同人比既
仲有大家既人生都未行完, 無人知道最後結局係點
可能佢係咩都有, 但不久將來佢發現佢原來無左健康
(唔係咀咒佢, 只係打個例而已)
即係話將來係點無人知架, 我地唯一可以做好既係活在當下
盡力做好自己而已

同埋一個咁唔尊重自己既人, 點解仲要做朋友?
搵過D真係關心自己既人做朋友啦
香港咁多人, 少佢一個朋友唔少啦
我地做朋友都要好好選擇架嘛

至於另外一半, 唔係一定睇錢既
香港地都仲有好好既人
你留意下身邊既人啦
仲未有既, 未遇到者, 再等下啦
一定會有既!!

富有同貧窮唔一定係開唔開心既關鍵
而係在於我地本身既心態
我地是否學會知足與感恩
做人要做得開心D, 我地可以比人睇唔起
但我地一定唔可以睇唔起自己, 知嗎?

要找人傾既電郵比我啦~~
[email protected]

願學會欣賞自己, 愛護自己, 珍惜自己

2009-05-08 17:44:38 補充：
要得到別人既愛, 第一課先要學會愛自己
加油 ^^

最緊要係你要爭氣!

佢咁話你,就代表你一定會係咁架咩?!
就係因為佢睇你唔起,你先要更加努力,等佢跌眼鏡!係唔忿氣既就俾心機改變現狀,為自己爭氣!

再者,其實都唔洗理人點睇,最重要係唔好睇小自己!

冇人估到將來會點,但如果唔努力,咁現狀就唔會改變!

我同老公曾經都聽過冷言冷語,今日我哋都成功咗,相信你都可以!加油!俾心機!

傻啦,把口係人地的,佢喜歡點講都有佢自由,耳朵係你的,你亦有唔聽的自由,理得人地講乜喎,點解要唔開心呢!
通常d喜歡自吹自擂喜歡踩低別人的人,就希望你緊張唔開心,佢就更高興,你越在意佢就越唱得衰d!
所以最佳辦法就係當佢無到,唔理佢唔啋佢唔答佢唔聽佢講,等佢自己無趣味啦!
其實人比人比死人,呢個世界一定好多人叻過自己,唔出奇喎,唔使自卑喎,你自食其力又唔係靠佢施捨,唔使理佢點講呢,何必為呢d咁人勞氣呢!
是否你自己樣樣都喜歡要同別人比較呢? 或者人地只係自己認叻,只係你心多感覺'暗示'是踩低你而已!
又可能你有某方面條件比佢優勝,所以佢先要踩低你吧!
如果是這樣的話,你更不必自卑呀,因為每個人都一定有優點,暫時你自己不發現吧!
別人如何睇自己又點? 何必自己都睇低自己呢?
做人最怕係只會怨天尤人而唔去發奮圖強,只要有你信心好好利用自己的長處,一定會有人欣賞你的,加油呀!

你講個個別人，係咪即你既朋友，如果係咁，重點解同佢做朋友呢，呢個世界d人死晒呀，你冇左佢唔得呀?佢都冇當你係朋友啦，真正既朋友係唔會咁ga。


重有係人比人，比死人呀，乜你冇睇電視 ga，大把人慘過你啦，你有冇健康既身體，如果有咪得囉，一日未死，都未知結果，知足常樂呀。如果你想唔通，最後你會連健康都走人ga。