人生並非虛耗,何來塵埃飛舞

我相信呢句歌詞的意思,正如樓上002朋友所說,係由以下禪語轉化:
";菩提本無樹,明鏡亦非台,本來無一物,何處惹塵埃?"
呢首詩又點解呢?等我又講下故仔先啦!
話說老師父想在班弟子中找一個接班人,叫佢地邊個出來講四句野,考考佢地人生的佛學哲理!
咁大師兄一馬當先就講:
"身如菩提樹,心如明鏡台,暇時勤拂拭,不使惹塵埃!"
意思係做人要好似菩提樹(佛教聖樹)咁正直,心境(頭腦)要好似鏡咁清楚,得閒要時時檢討,掃除污垢,不讓壞的東西沾污!
大家當然話佢最好野啦,做人應該係咁喎,佢做接班人最好啦!
點知有個最細徒弟仔走出來話,做人本來應該要咁,但係有道行的高僧應該要求更高至係!
咁佢講左呢幾句,就俾佢做了接班人禪宗六祖咯!
"菩提本無樹,明鏡亦非台,本來無一物,何處惹塵埃?"
意思係如果自己身心真是正直,完全無壞的意識,已經百毒不侵,又點會沾染到壞的東西呢?
如果照咁推論,呢兩句歌詞:
"人生並非虛耗,何來塵埃飛舞!"
意思就係做人要積極d,唔好浪費時間在不好的事情上,咁就唔會有壞野衰野影響到自己啦!

2009-05-13 18:03:22 補充：
六祖呢幾句野係駁斥佢師兄,如果佢已經修行到四大皆空,又點會被d衰野影響到呢?
因此,塵埃=壞事,壞習慣,不良意識等等!

我認為可以配合整份歌詞解釋

當人回看從前，有時會有一種茫然的感覺，看不明白自己做過的事是錯或是對，想不到有甚麼真正值得回憶和自豪，因而對未來的路向感到迷茫。

歌詞其他部份提到以拍照留住生命美好的時間和事件，這些照片正好証明過去了的人生沒有被浪費。既然回看到過這些美好的時刻，了解到自己生命的價值，又何來再自尋煩惱呢？

以上個人小小意見

哈哈
我都認為這兩句並沒有關連性. 即是所謂的唔la更.
為何會放在一起?
分開兩句解釋的話
人生並非虛耗: 人的一生並不是用來虛耗(光陰)的.
何來塵埃飛舞: 怎會有塵埃(煩惱)飛舞(在纏繞)

人生不管是不是虛耗的, 塵埃一樣是到處飛舞的.
所以如何肯定沒有半點塵埃呢?

這兩句完全是不關連的. 而且每一句都只說了一半意思.

在此獻上小小意見.

如果這句話含意真如喵女 所解就真是很有意義的歌詞!
看起來每字都認識,字句獨立意思尚算明白,用廣東話讀出 尚可押韻,上下兩句加起來則不甚明白!莫非借用名言"菩提本無樹,明鏡亦非台,本來無一物,何處惹塵埃"而衍生出意義深長的句字?
在此希望知其出處者能深入淺出闡釋此歌詞含意,謝謝!

2009-05-15 01:08:02 補充：
謝謝wingman8899 的解說!
看來看去,本人始終覺得兩首禪詩比歌詞中兩句組合更容易理解!
不知歌詞出於何人?能把歌詞句子成份用現代漢語語法或古漢語語法剖析,深入淺出的解說嗎?

2009-05-23 00:51:56 補充：
好多所謂答案及解釋只係以主觀願望或人云亦云方式的轉述,並無真正把句字解釋和連繫!即使如003的解釋,典故再好也只跟禪詩有關係!希望有人能把歌詞用簡易語句闡明與上兩句歌詞有直接關係,並非人講乜就話係乜!
所以本人回應時請人用現代漢語語法或古漢語語法剖析,深入淺出的解說!能證明相關當然要有非凡功力至得!反之,如果不論古今語法都無法證明相通相連,咁又點解咁多人都有咁正面解釋?

意思其實就係講緊

叫你要好好咁面對係既人生~充實自己~

只要你既人生係每一日都過得充實既~

咁你到最後就唔會有遺憾~