佢係唔係厄緊我????

曾經我當佢係我最好朋友甚至一家人一樣，當時我覺得佢好了解我，但原來朋友只可以共富貴唔可以共患難，係最困難既時候原來先可以睇啨楚一個人既真面目，或者我當初睇得太簡單，又相信佢既說話話如果我有經濟困難就算佢自己無都會借返嚟比我咁話，雖然我都覺得有點兒誇張，但都會覺得這個人有義氣值得交，後來因為我們的一些投資有一筆唔少既數目需要經佢既戶口過數，本應我會有一半既錢可以取回，但佢就同我講屋企等錢用問我可否先借給佢，我當時說因我屋企都要用錢，只可借一部份，佢就話我有份工有收入點解仲要攞番D錢，始終屋企事係私人事我唔想多講，而佢最終都無比返錢我，這樣我都算因為見佢無收入，點知越來越過份，唔還錢仲要問我借，開頭幾百至後來幾千，我都知自己衰心軟每次都借比佢，但原來我既好心只會造成佢覺得好似好有錢咁，更加唔會還錢比我，我有份工有固定收入，但我唔駛比家用，返工唔駛用錢咩，況且我有錢唔代表唔駛還錢ga，成日都話等將來有錢先還喎，我都唔知佢幾時會有錢，應該係幾時先覺得自己有錢，而且仲好鍾意話事，成日幫我決定野，只係佢覺得岩我就唔可以Say No，所以經歷咗咁多事之後，我發覺佢根本一D都唔了解我，雖然成日話當我係屋企人咁，實際上根本對朋友應該做既野都做唔到，好似試過同佢D朋友食飯(我唔識佢D朋友)，佢D朋友口多多咁取笑我，佢都唔開口幫我解圍，講些幫我解圍既說話好難咩，仲要唔係我錯係D人無聊搵野笑，都唔知係我對朋友要求高定係咩，我只係感到佢口上講就屋企人，事實上我都感唔到佢當我係朋友，只係一個佢需要幫忙時就會想到既人，身邊既朋友同屋企都有叫我唔係再同佢做朋友追佢還錢，可能我無胆唔敢成日追佢而又唔想做得太絕，不過開口叫佢還錢有用咩，佢大把理由唔還氣勢比我還強，好似我欠佢錢多過佢欠我，只怪自己當初太心軟一次一次借咗錢比佢，我只想知道究竟佢係唔係厄緊我，成日話手頭緊唔夠錢用，但又話我知買咗那樣這樣，好似話比我知佢d錢只係剛剛好夠用，無多餘錢還，我只係覺得自己好蠢到而家知道原來呢個世界有些人欠人錢唔會覺得內疚