攜子出席婚禮

基本上係而家呢個年代，有左結婚真係好普遍，你睇有幾多明星都係大住個肚黎結婚都唔怕比人話就知啦。況且把口生係人地到，人地要講要笑既，你都耐佢唔何。你負責任、做好自己本份已經足夠
不過大住個肚結婚係冇咁好，一來新娘著既衫唔會好多選擇，二來搞結婚D野成日都要去呢到去果到，若果再加埋影婚紗相，就真係超級辛苦。萬一辛苦得濟，作小產就唔好啦
但係選擇係生完之後擺酒都有缺點，同埋有好多因素要考慮，首先係生完一定要坐埋月，不過生完通常身型都未有咁快會復原，有機會要等三四個月先叫回復到。但到時又要湊住個B，就未必有咁多時間去搞結婚野。況且生個B既支出都唔小，到時又要再搞結婚又要洗多一筆錢
若果係有人可以隨時幫你睇住BB，而你又可以負擔到所有費用既，BB出世之後先結婚都冇所謂。不過最好就係問清楚長輩同雙方家長、老人家既意見先，因為有D老人家比較傳統，未必喜歡咁樣做

我自己都係有左BB之後先擺酒, 我2003年結婚, 三個月後太太有左BB, 2004年7月擺, 當時個女已經三個月大, 其實我都覺得無乜野, 我上台講野既時候, 仲用左我個女黎講笑, 大家都明白架啦! 其實而家既年代, 大家都唔介意架啦! 只要你地一家三口開心就得架啦!