要上廣州住兩個星期~有乜要注意?

廣州是大城市, 人流較雜, 但亦非想像中危險, 單身一個女仔, 出門在外, 萬事還是小心為上.
注意事項 ~~
1) 酒店 ~ 可能的話入住較好的酒店, 在大街大巷, 不要太偏僻.
在房間內任何時候都要扣上防盜鏈, 應門時問清楚不可亂開門.
證件, 錢銀及貴重物品出門時應隨身帶好, 不可收放在酒店房間.
不要對陌生人透露酒店及房間號數.
不要用酒店電話打國內或國外IDD, 超貴.
2) 個人 ~ 證件要特別小心隨身收藏好, 最好有拉錬拉合, 公眾場合證件, 錢銀不可露眼.
錢應分開放, 出街前先預算要化費多少, 把錢分開出來另放
不要載貴重飾物於身上大陸, 手提亦不要太名貴太新款式, 防被搶.
不要在街上找換人民幣, 以免受騙, 假幣或被搶.
不要理會或與任何陌生人交談, 介紹旅館, 酒店, 介紹坐車..., 問路或帶路...都是非常危險的.
不要貪小便宜, 猜紅藍鉛筆, 揭鑵有獎, 猜撲克牌, 換外幣..都是騙人.
不要做好人, 不要善心, 看見偷東西, 搶野不要出聲, 通常不會一個人作案.
行街, 坐車, 排隊買野時, 手袋要過頭斜揹在身前, 出街小用背包, 好易給拉開拉錬或割偷野.
行大街, 不要貪方便或行捷徑, 避靜地方小去或經過.
過馬路小心, 大陸行車是右上左落, 與香港相反, 紅燈時部份車輛可轉彎.
盡可能不要坐公共汽車, 改乘地鐡或的士, 不要乘坐私人藍牌車(即香港白牌車),坐車千萬不要打瞌睡.
小心飲食衛生, 街邊食檔, 私人地茂館小幫襯為妙.
酒店以外的娛樂場所, 酒吧...不要去.
一個女仔不可太夜返酒店, 最遲9點前應返到酒店. 酒店電視有幾十個台睇, 不會悶.
3) 假如真的出事, 特別是遺失證件, 一定要報公安, 全國任何地方都是打 ~ 001 ~ 報案.
你亦可打回向香港政府求助 ~ 協助在外香港居民小組 ~ 電話 : 00852-28293010.
你亦可返到深圳羅湖向中旅社補領[臨時回鄉卡], 地址 : 深圳火車站連廊2樓C4鋪. 8:30AM - 9:30PM, 電話 : 0755-82347136. (記得出發前影印回鄉證副本在港, 補證時可傳真到深圳中旅).
太多要小心的, 不能盡錄, 大個女萬事自己小心, 不要貪玩喎.
預祝一路平安, 順利.




2009-05-08 17:04:39 補充：
sorry, 晨早未瞓醒, 打錯字, 改正 ~~

3) 假如真的出事, 特別是遺失證件, 一定要報公安, 全國任何地方都是打{{ ~ 001 ~ }} 報案.

應改為 ~~

3) 假如真的出事, 特別是遺失證件, 一定要報公安, 全國任何地方都是打 {{ ~ 110 ~ }}報案.

在廣州, 我常到熱鬧地區, 我自己就覺得好安全, 但最好揹斜袋, 因我試過2次比人開背囊, 幸好早發覺, 冇損失

如果你是一個人, 而且又住2星期禁多, 我覺得都冇必要太夜返