點解美國人的基因會是咁自私?

雖然我對美國沒有什麼好感，但我唔覺得不是美國人迫我地學英文，因為香港是受英國影響，就算是迫，也是英國人迫，我們學的是英式英語，不是美式英語。
再者，我們是為了增加自己競爭力才學英語，不是被人迫的，香港政府提供免費教育其實是市民的福利，政府大可以慳番呢筆錢去做其他建設，唔使被你們這些不懂珍惜學習機會的人罵的。你知不知好多人自己要花錢去學英文？所以在學校有機會學英文就應該好好珍惜。同埋你唔知好多英國及美國人都學其他語文，他們九成人都會說一種以上英語以外的語言，包括中文，難道這是我們中國人迫他們學中文嗎？他們都是對我們的文化有興趣或是想來中國發展才學的，所以沒有什麼迫唔迫的。

呢 d 唔關基因事，係權力，環境，經濟，同政策問題。美國嘅熔爐 (melting pot) 政策就認為新移民(包括白人)應該入鄉隨俗，去接受已經建立咗嘅語言，文化，同習俗，咁樣會有利國家嘅團結同運作 (如果政府機關要用多種語言運作，係又貴又難架)。

其實呢 d 嘢全世界都一樣。白人去日本住要識日文，去中國住要識中文。連香港人去中國住都要識國語啦。

冇話逼唔逼嘅。唔學都得架。依家美國好多新移民重係唔多識英文架，咁咪冇咗好多工作機會，同埋响主流社會好唔方面囉。

响美國境外 (除咗菲律賓殖民地時期)，我未聽過話美國逼唔係白人嘅去學英文 。相反，好多國家嘅人，無論白人，黃種人，黑人....等等，包括中國人 (又包括香港人)，都争住去學英文。

美國，就同其它國家一樣，去推行佢自己嘅語言。呢 d 唔係自私自大。因為究竟英文係咪世界通嘅語言，唔係美國可以控制到嘅，而係由所有國家自己决定嘅。