急!!為什麼bb”臀先露”需要在第38週進行剖腹生產?

1. 你依家寔37周啦, 醫生只不過俾多一個星期時間等BB會唔會掉頭, 同時可能幫你檢查後, 見你都未有生產跡像...
2. 如果bb繼續留在母體會有危險的話 (包括對BB和孕婦而言), 便要儘快開刀把BB取出, 即使未足月都要.... 依家科學先進, 一般人都營養過剩, bb出左世都唔會話營養不足, 何況38週都好足月啦..
3. 唔係出生嗰一刻, 子宮一開始收縮, BB 位置就轉唔到
4. 咁做會好危險, 如果BB仲未完全掉頭, 你一作動, 好多好多因素會引致難產, BB好易缺氧, 即刻開刀都有後遺症, 即使bb可以生存, BB腦部缺過氧, 會有好嚴重後遺症; 如果作動時, BB未轉得切身, 打橫仲弊, 你趕去醫院途中, BB膊頭或手出先都死, 你想像下 T字或十字形點生, 大人和BB都會死, 因為BB kick住出唔到會焗死, 孕婦失血過多難產.... 好恐佈... 唔好搏, 作動一開始, 無人知道會點, 只係幾分鐘至十分鐘時間, 都由生至死.... 除非你依家入家醫院等作動... 但係到時怕個個醫生都做緊嘢....
記住BB轉身, 唔等如同時係作動生得...
自己生第二個時, BB本來30周時轉左身, 點知38周轉番上去, 又未生得, 要立即入院待產, 因為子宮頸口好實未熟, 醫生話應該仲有一兩個星期先生得, 提議我開刀, 因為第一個是順產, 自己希望第二個都可以, 何況BB 曾掉過頭, 所以醫生要我住院, 話 bb 一再掉頭就即刻催生, 我都問過話一作動先入院得唔得, 就係以上的原因, 醫生話唔可以... 咁醫生都係為左大小二人的安全著想啫... 結果係住左個幾星期, 期間BB幾次打橫, 又轉唔晒, 入去預產房觀察都有幾次, 最後bb喺醫生set既限期前都轉左頭落去, 可以催生, 可惜係BB有缺氧跡象, 最後都要開刀....... 雖然大小平安 (BB要入箱觀察左一個星期) , 但係自己辛苦到極, 又要受陣痛之苦, 又要受一刀... 醫生都話功虧一簣.... 而且當時好危險, 產科手術室全都有人用緊, 產科所有醫生都有手術做緊, 好彩有個外科醫生喺度同我開刀咋, 仲要輾轉衝去第層樓的大手術室, 又好彩咁啱之前個外科手術啱啱做完, 可以謄出嚟.......

醫生想你係38週開刀，都係因為驚遲過38週就好大機會自己作動，到時作動先發現佢仲未轉頭，情況會比較緊急，萬一到時冇醫生或者其他原因導致BB未能及時出世，就會影響到BB有缺氧情況，影響到BB健康
基本上BB32週都可以出世，不過SIZE會比較細，所以就算你係38週生BB出黎，都一樣冇問題。咁當然可以留多一日就一日啦，BB係媽媽體內吸收營養都多D，亦唔使咁快出黎"捱"
BB好多時都會轉黎轉去既，除非真係SIZE過大或者其他原因先唔再轉架姐
我上一胎都試過係三十幾週既時候，醫生話我個BB未轉落去，要用手幫BB轉落去。不過我問過D長輩，都覺得有風險加上BB多數都會轉番落去，所以我同你一樣都拒絕左
之後醫生到臨生一兩星期幫我檢查，BB就已經轉左個頭落去喇
若果你真係唔開刀，堅決要等到作動先入院係冇問題既。不過到時萬一真係唔可以順產，醫生都會幫你開刀。但到時就要辛苦多一倍，又要抵受順產既痛，又要抵受開刀既痛。而且仲要冒住冇醫生同唔夠人手既風險
你既問題我答晒，不過我自己就覺得37週真係可以等下，除非個醫生真係100%好肯定話BB唔會再掉頭，你先決定開刀啦。始終BB有40週出世都會好D既
另外若果你都係唔放心，可以係呢段時間自己去私家到檢查。因為我始終都覺得公立醫院既醫生唔太信得過 (雖然我都會係公立醫院生BB)，況且睇多一個醫生，聽多一個意見都冇壞。到時若果連私家醫生都建議要開刀既，咁先決定啦

BB早出幾日, 或遲出幾日也不用太担心, 我大女順產但遲了預產期十日, 一樣好健康, 預產期是計算你月經的日子來推算, 不
是計你行房后而成功懷孕那一天, 醫生都無法知你那一天成功懷了孕.所以有幾天差異, 實屬正常.


我細女是臀先露如你那樣, 懷到5個月醫生告知我, 她不可掉頭, 我一早安排自己入院, 打(吹生針)開刀做手術把她取出,

我只會想她已不能掉頭 有風險是她, 我不會讓她有什麼意外, 早些給我可以見到她健康和安全. 古時常說臨生時可能BB懂性, 自己會掉頭, 唔想媽媽辛苦, 但現在科技發達, 醫生一早已說給你知有幾多成機會唔會掉頭, 我建議你放心入院生吧, 母子一定平安, 醫學發達, 少少手術而已,

我也充心祝福你有個健康和美麗的寶寶.

38週已經可以出世了
當然BB在母體內多一天所吸收的營養會更好
但亦有風險吧
BB有機會在臨出生的一刻才掉頭的
但不是一定會只是有可能
等到作動, 才到醫院的話可能已經太遲了
你既然決定開刀便早點作好準備去迎接BB出世吧
祝你有個健康既BB啊