帶部舊29”電視返大陸使唔使打稅?

唔係話?中旅社??佢地唔係中國海關喎,我都好想知去中旅社問邊個部門會答到你....根據中國海關的規定,電視機入口按三種不同完稅價格,什麼是完稅價格?即該貨物發票上的價錢+運費,但該價錢必須被中國海關承認合理才能作完稅價格,(即係話你唔可話當部電視係$100或$200)否則必須按海關的完稅價格徵稅,液晶體電視完稅價格為$12000,等離子電視為$8000,普通顯像管電視(大牛龜)為$2000,稅率為20%,即係話你部機帶返大陸若果冇發票最多要打$400稅,明白未?

2009-05-06 21:32:04 補充：
樓下位仁兄,似乎你真係唔清楚大陸海關對旅客所携入境物品的限制:
1.唔係所有電器入口大陸都係要打稅,若你就咁帶電飯煲,風扇上去,若果係合理自用數量而又唔超過$1000,係唔需要打稅,但電視機,音響,電腦零件係屬於國家入境二十種評稅物品之一,故此係沒有例外

2009-05-06 21:32:15 補充：
2若果你拉部電視機掂行掂過海關,100%海關會截停你打稅,仲有,海關對每樣貨品有佢地既標準完稅價格,唔係你話幾錢就幾錢,你就算俾張發票佢睇係$200佢地一定唔會接受,同埋佢地冇辦法證實你部機用左幾耐,過關時俾關員截住同佢講$200賣俾佢,你估佢有乜反應(發難?)佢會俾你兩個選擇 1.退運俾倉租 2.接受完稅價格評說(即$2000).呢個我今日過關已經再問多一次

2009-05-06 21:32:34 補充：
3.水貨客的存在就係因為佢地帶o既野若果俾海關發現到就要打稅,所以佢地唔會帶任何大件物品,只會揹個背囊或拉車仔過關,因為所有大件行李過關時必須要過X光機,若果你故意收埋響身上搜到就告埋你走私添,但正如你的觀點,睇你好唔好彩,若果捉到的話你肯定係唔會揹呢條數上身,寧願退運第二日再博過,但已經浪費車錢倉租同埋時間,每日響皇崗口岸不知有幾多人就係咁俾人捉到要將貨打回頭,唔係關員任人掂行掂過,而係因為水貨客越來越懂得裝扮成普通旅客過關

可以去問下中旅社職員
佢地一定幫到你既