我有好多唔同興趣既朋友..但計計手指真心朋友一個都無..
小學的時候(小3-小5),有個好好的同班同學..我當他是最好的朋友同知已..會同她傾心事,她會來我屋企做功課..我也會去她屋企玩電腦..她家係開面店,她媽咪常常請我食面..一齊放學去公園練唱twins D歌..那時我真的覺得同她好孖公仔..但後來她冷落我了..結識了另一個同學..就沒有理我了..
那時我有為這件事苦惱了很久..很想知道為什麼?
之後小6我認識了另一個同班同學..同她幾好關係..剛好那時間就是我同的的初戀開始..感情都不是很隱定..可能和個女仔好的關係..我的初戀情人都和那個女仔熟..不知這個女仔是否妒嫉我?因為我初戀是校草又靚仔..我成績又好..畫畫好叻..老師們都好喜愛我..後來這個女仔常說我是裶..還同我男朋友拍拖了..那時嘗試了兩種滋味..真我很失意!
到中學..認識既朋友就更加多了..lunch既時候都係會幾個女仔一齊食飯..放學既時候都係會公園hea下..傾下計..但都唔會話同邊個特別FD..係出邊FD搭FD都係識佐好多朋友..但都係一般朋友..可以話係豬朋狗友..出街借得就借..痴得就痴..借佐錢唔還..叫佢地還錢又話無錢..唔借又唔happy..後黎我疏離佢地..
我最近同一個女仔朋友都幾熟下..但我覺得佢有d踐過界..佢之前同我講過接受同性戀..同佢出親街..佢會同我摳手同拖手..好似情侶拍拖甘..仲無啦啦話中意我?跟住我話好朋友應該中意大家..之後佢話講下笑..跟住我都唔好意思..我覺得有D唔習慣,可能佢覺得好朋友應該拖手哩D甘..但我拒絕話唔好拖手..可能甘佢以為我唔想同佢做朋友..
出到黎社會做嘢..都識倒D朋友..但唔會好似讀書咁成日一齊..可能大家面對既困難都唔一樣..目標都唔一樣..但有時都會約出黎玩..或行街一齊..但哩D都唔係好真心朋友..只不過係出黎玩既朋友..我只係覺我佢地係一齊開心既朋友..唔係共患難既朋友=_=''
我都知每個人有自己私隱或秘密..唔講出黎係要保護自己..但我想知道要有真心朋友應該..應該點樣?要有咩條件?例如要守得秘密阿或者係點?但是如果我當人地係朋友,我會開心或唔開心都會同佢講..係咪有D小題大造..定係我唸嘢好小朋友?人地會唁會嫌我煩?但有時有D收埋係心入邊遇倒D困難又會唔開心..但我又怕同D朋友傾訴..我又驚佢地會覺得我成日講埋D唔開心既嘢..定係要同朋友傾多D開心既嘢..俾人覺得你係開朗既性格..
仲有岩岩識一個朋友係咪唔好講甘多自己既私人事俾人地知..係咪講第2啲開心既事同人傾..熟絡佐先講..我聽人地講同岩岩識既朋友要(3分真,7分假)?我有時會講自己D私人野俾人知..係想人地當我係朋友..係咪唔岩?係咪唔應該講甘多..係咪好朋友唔使成日一齊?
但有時我見我個(幾好既朋友),同第2個朋友好FD..忽略佐我我..我又會唔開心..我應該向邊方面唸好D..OR抱住無朋友就算既態度?
我有好多疑難希望有人幫倒我啦..
Sorry呀!可能我篇嘢長佐少少..
搵一個真心既朋友係咪甘難?
2009-05-05 3:25 pm
回答 (5)
2009-05-07 5:16 am
✔ 最佳答案
睇到你以前發生過嘅事，我都會明白點解你會有呢種諗法。我都喺識朋友方面有啲好唔開心嘅往事，但係我會用嗰啲事當作係一啲教訓，用佢地嚟激勵我搵一個最好最好嘅朋友，而我我而家真係有一個好好好好嘅朋友。你問要識一個真心朋友應該點，咁你講嘅守秘密係一定要啦！無論對方係咪你嘅好朋友，只要係一個信得過你嘅人，佢地嘅秘密你都應該要守。另外，要有真心好朋友，你先要識得真心對人，你唔真心對人，人地就唔會覺得你係交得心嘅人，咁你憑咩要人地對你真心？至於你講到啲開心唔開心嘅嘢，我覺得一開始識一個人，就唔好咁快真係乜都同人傾，你自己都識講，佢地可能會覺得煩。最基本，你要知道人地嘅性格。呢個世界上，真係有人根本唔要求同朋友交心，咁你同佢講哂啲嘢，佢都唔會用心開解你又或者係認真幫你架啦！但係如果係俾啲好似好好人，又會真心對人嗰啲人，咁你可以講啲無咁重要嘅嘢先，同佢熟咗，再講啲重要啲嘅。我可以好肯定咁講嗰啲幾多分真幾多分假厄你架！你應該一開始淨係當啲啱啱識嘅人係識人先，邊啲人信得過，邊啲人信唔過，你就要睇清楚。睇清楚之後，一揀咗邊個可以做朋友，就唔可以對人假！可以隱瞞啲你唔想講嘅秘密，因為人人都有佢地嘅秘密，但係一定唔可以有害朋友嘅諗法，咁就為之真。好朋友確實係唔需要成日一齊架！我有答過人地嘢，第三段都有講少少我覺得朋友應該係點，你可以去睇睇
http://hk.knowledge.yahoo.com/question/question?qid=7009042501763
我都明你俾朋友忽略嘅感覺，但係你要記住，你係好unique架，你個朋友識多幾多個人都好，都唔會有一個取代到你！其實上面我答人地篇嘢都有講如果個朋友唔得閒理你嘅時候你可以點，你都可以睇睇。
千祈唔好覺得冇朋友就算！人同人之間相處，好多時候都會有唔開心，但係你唔好忘記咗開心嗰啲嘢喎！為咗避啲唔開心嘅嘢，就放棄啲開心嘅機會，值唔值？
千祈唔好俾你嘅過去打沉你搵真心朋友嘅熱誠！總有一日會搵到一個好好嘅朋友嘅！呢個世界仲有好多好人架！如果你仲有其他疑難，你可以send email俾我！([email protected])
希望我幫到你啦！^ v ^
2009-05-07 3:30 am
古語都有話,相識滿天下,知己有幾人?
可見從古到今都一樣,要找到一個可以同自己志趣相投又可以共患難更能夠長久不變的知己朋友並不容易!
知己都是由普通朋友做起,如果你性格平和友善,對人關懷禮讓,自然人人都樂於接近,樂於與你為友,但是否能夠成為知己就要經過時間考驗及深入的了解大家性格是否相投才能決定了!
每一個人都有不同的獨特性格,兩個出身不同背景不同的人自然有不同的表達方式,你認為開玩笑可能開罪別人,你認為私人事別人可能當笑話傳開,所以新認識的朋友當然要小心說話,就萛是好朋友有一些說話都應該要有一些保留!
還有每人都有不同的理財方式,因此好朋友盡量不要有金錢的借貸,很多本來是好朋友的都因為對錢財的處理方式不同而影響了友誼!
人生的道路漫長,而且有高低起伏,只要在不同的路段都能夠遇到可以相伴同歡的朋友已經萛幸運,如果要求可以赴生死共患難的知己那是要靠緣份了!
所以我希望你不要對朋友的要求太高,認識深d了解多d性格夾d就會感情好d了,做朋友不菅脾氣同性格夾唔夾都要互相遷就就最好,做朋友只要順其自然,如果有緣的話慢慢總會成為知己的!
可見從古到今都一樣,要找到一個可以同自己志趣相投又可以共患難更能夠長久不變的知己朋友並不容易!
知己都是由普通朋友做起,如果你性格平和友善,對人關懷禮讓,自然人人都樂於接近,樂於與你為友,但是否能夠成為知己就要經過時間考驗及深入的了解大家性格是否相投才能決定了!
每一個人都有不同的獨特性格,兩個出身不同背景不同的人自然有不同的表達方式,你認為開玩笑可能開罪別人,你認為私人事別人可能當笑話傳開,所以新認識的朋友當然要小心說話,就萛是好朋友有一些說話都應該要有一些保留!
還有每人都有不同的理財方式,因此好朋友盡量不要有金錢的借貸,很多本來是好朋友的都因為對錢財的處理方式不同而影響了友誼!
人生的道路漫長,而且有高低起伏,只要在不同的路段都能夠遇到可以相伴同歡的朋友已經萛幸運,如果要求可以赴生死共患難的知己那是要靠緣份了!
所以我希望你不要對朋友的要求太高,認識深d了解多d性格夾d就會感情好d了,做朋友不菅脾氣同性格夾唔夾都要互相遷就就最好,做朋友只要順其自然,如果有緣的話慢慢總會成為知己的!
2009-05-05 11:18 pm
我明白你ge感受,因為我覺得我同你都有少許相似!
同我做朋友ge人都幾多,但係無幾多個係知心ge!
點解?我都唔知,不過就係有心事都唔會講果種!
唯一可以解釋ge就係--有時感情係要自己主動聯擊ge!
你話你同小學果個好親,但後來佢識左第二個...
係呢道你ge想法係錯左,唔通成世人只得一個傾得ge朋友仔咩!你應該一齊融入去,由二人組變成三人組.發大佢,就算對方覺得同你生疏,你自己都可以成時去同人地講野.功課交流等等.
因為我同你一樣,好朋友同第二個人感情好,包括佢自己男朋友都會唔開心,所以就應該有多d朋友仔.果個唔得閒有第二個補上.再黎就係要唔介意對方同邊個一齊,照樣同佢地玩得好瘋狂,玩下玩下大家就會熟落!
而你講自己成績都ok,咁就唔駛驚無朋友!因為由功課開始,係感情連擊ge最好途俓.我依家係大專學校,一個以前ge同學仔都無,要講野都係同功課學業有關ge.慢慢又講功課開始講到其他野,發展到有時唔得閒返,佢地都無幫我握阿sir話我有返!
而你話你經常同人地講真心說話.呢個我就有保留.因為我唔鐘意同人地講太多自己ge心事.原因怕比人講返出黎,可以話我係有防人之心.不過你講你已經開始踏入社會,我建議你唔好同人地講太多心事.因為你唔知道你地之間會唔會有一日有競爭情況出現,到時對方唔覺意講出黎就唔好na.
我曾經睇過一本書講,要分清朋友係朋友,同事係同事,唔好將同事當成朋友.而心事及真心話唔係個個人都講得.要講都係要同d唔識自己老板,唔會有競爭性ge朋友講.
總之係話之前要諗過對方會唔會講返出黎,同埋涉及事情與傾訴者有無認識及關係!
我最信得過ge人莫過於自己ge家人!!!朋友只係為百忙中的一個宣泄點,因而唔需要太過介懷.
同我做朋友ge人都幾多,但係無幾多個係知心ge!
點解?我都唔知,不過就係有心事都唔會講果種!
唯一可以解釋ge就係--有時感情係要自己主動聯擊ge!
你話你同小學果個好親,但後來佢識左第二個...
係呢道你ge想法係錯左,唔通成世人只得一個傾得ge朋友仔咩!你應該一齊融入去,由二人組變成三人組.發大佢,就算對方覺得同你生疏,你自己都可以成時去同人地講野.功課交流等等.
因為我同你一樣,好朋友同第二個人感情好,包括佢自己男朋友都會唔開心,所以就應該有多d朋友仔.果個唔得閒有第二個補上.再黎就係要唔介意對方同邊個一齊,照樣同佢地玩得好瘋狂,玩下玩下大家就會熟落!
而你講自己成績都ok,咁就唔駛驚無朋友!因為由功課開始,係感情連擊ge最好途俓.我依家係大專學校,一個以前ge同學仔都無,要講野都係同功課學業有關ge.慢慢又講功課開始講到其他野,發展到有時唔得閒返,佢地都無幫我握阿sir話我有返!
而你話你經常同人地講真心說話.呢個我就有保留.因為我唔鐘意同人地講太多自己ge心事.原因怕比人講返出黎,可以話我係有防人之心.不過你講你已經開始踏入社會,我建議你唔好同人地講太多心事.因為你唔知道你地之間會唔會有一日有競爭情況出現,到時對方唔覺意講出黎就唔好na.
我曾經睇過一本書講,要分清朋友係朋友,同事係同事,唔好將同事當成朋友.而心事及真心話唔係個個人都講得.要講都係要同d唔識自己老板,唔會有競爭性ge朋友講.
總之係話之前要諗過對方會唔會講返出黎,同埋涉及事情與傾訴者有無認識及關係!
我最信得過ge人莫過於自己ge家人!!!朋友只係為百忙中的一個宣泄點,因而唔需要太過介懷.
2009-05-05 9:35 pm
認真心朋友很難
其實真心朋友多數都是默默在你身旁的朋友/人
不一定是最合or最好的朋友
而且目標都不一定一致
如果想別人聽你說的話(私人)
你應該不想給人知
你不如在綱上識不認識的朋友(好人)
不是說那些壞的人
只想得你私人
要那些細心聽你說話
想辨法幫你的人
朋友唔使成日一齊
想一想,成日一齊做什麼
真心朋友只會在你傷心時
需要幫助時出現
但有時我見我個(幾好既朋友),同第2個朋友好FD..忽略佐我我..我又會唔開心..我應該向邊方面唸好D..OR抱住無朋友就算既態度?
你應該要更多的朋友
你不該把全部給了你上面說朋友
應給真心的朋友
我相信你有
不過你不知道罷了
想想在困境時
常常幫你的那人是誰
其實真心朋友多數都是默默在你身旁的朋友/人
不一定是最合or最好的朋友
而且目標都不一定一致
如果想別人聽你說的話(私人)
你應該不想給人知
你不如在綱上識不認識的朋友(好人)
不是說那些壞的人
只想得你私人
要那些細心聽你說話
想辨法幫你的人
朋友唔使成日一齊
想一想,成日一齊做什麼
真心朋友只會在你傷心時
需要幫助時出現
但有時我見我個(幾好既朋友),同第2個朋友好FD..忽略佐我我..我又會唔開心..我應該向邊方面唸好D..OR抱住無朋友就算既態度?
你應該要更多的朋友
你不該把全部給了你上面說朋友
應給真心的朋友
我相信你有
不過你不知道罷了
想想在困境時
常常幫你的那人是誰
2009-05-05 5:12 pm
其實你說的都好對, 我都認同你說法的.
想認識真心朋友,有時真的很難.
對我來說, 小學認識的好朋友, 如果中學不是一起讀或分班了, 大多就會疏遠了.
中學認識的好朋友, 可能畢業了之後偶爾還會連絡, 但是隨著時間過去, 大家各有各忙, 各散東西, 好難再有機會聚在一起.
出來社會認識的朋友, 好難可以真心了, 一來多數因為利益上關係認識, 二來說話又要'藝術', 好難說真心話了.
而且對於一個剛認識的朋友, 你不了解他之前最好別說太多.
因為你不知道他是怎樣的人, 可能前面係人 後面係鬼.
好朋友, 畢竟人地有自己要做的事, 或私人的事, 不可能成日一齊.
你應該向好的方面唸, 如果朋友同第2個朋友好FD, 那你都可以同他做朋友啊.
有甚麼問題可以msn我或email給我
[email protected]
希望幫到你啦
想認識真心朋友,有時真的很難.
對我來說, 小學認識的好朋友, 如果中學不是一起讀或分班了, 大多就會疏遠了.
中學認識的好朋友, 可能畢業了之後偶爾還會連絡, 但是隨著時間過去, 大家各有各忙, 各散東西, 好難再有機會聚在一起.
出來社會認識的朋友, 好難可以真心了, 一來多數因為利益上關係認識, 二來說話又要'藝術', 好難說真心話了.
而且對於一個剛認識的朋友, 你不了解他之前最好別說太多.
因為你不知道他是怎樣的人, 可能前面係人 後面係鬼.
好朋友, 畢竟人地有自己要做的事, 或私人的事, 不可能成日一齊.
你應該向好的方面唸, 如果朋友同第2個朋友好FD, 那你都可以同他做朋友啊.
有甚麼問題可以msn我或email給我
[email protected]
希望幫到你啦
收錄日期: 2021-04-13 16:36:21
原文連結 [永久失效]:
https://hk.answers.yahoo.com/question/index?qid=20090505000051KK00254