(急) 業主租0左樓俾人之後, 應唔應該keep鎖匙???

法例無規定。
正常做法租客、新業主在裝修入伙時都會換左把鎖，以策安全；因為條鎖匙會經過好多人手：上手業主/租客、經紀、裝修師傅等。
作為業主應提醒租客要換鎖，免日後麻煩。
條鎖匙配左幾多條無人知。新住客為安全計都係換鎖，而吾係叫業主吾好keep.
仲有，就算業主有匙係手，未得到租客同意，吾可以開門入屋，除非租客已正式退租，或者有法庭收樓令，在執達吏陪同下開門入屋。

其實應該唔keep, 因為要保障兩方利益, 如果租客走0左佬, 你可以合法途徑追討, 如果唔係間屋有咩事租客實入你數, 到時只會得不償失, 到時租客有心裝你, 屈你你仲有排煩呀!!!

租出去的單位, 業主是不應有匙的, 等如保險箱一樣, 銀行會唔會KEEP 住你條匙丫?

根據普通法, 業主會在租約內作出一項暗示的承諾, 就是在租期內租客可享有在業主控制範圍內不受干擾的權利, 根據此項的承諾, 租客應享受到「平和的享用權」(QUIET ENJOYMENT)。
所以, 在未得租客同意的情況下, 業主是不可以進入已租出的單位的。
即使租客走咗路, 業主也需要有 收樓令 或 入屋令 才可以進入該單位的, 咁keep條鎖匙有乜作用? 如果間屋俾人打劫, keep咗條鎖匙仲會有可能比人拉去差館問話。

我個人經験認為keep嚟都無用,通常租人屋住未入伙都要換鎖,通常換門鎖,主要是為了個人住得安心,業主會keep舊鎖匙,到了租客搬出時要換舊鎖或將新鎖匙交給業主, 當然租客也可不換鎖,但業主無權進入。

業主要求保留鎖匙, 租客會覺得好唔安全, 所以最好唔好啦, 如果好鍾意間屋, 可以問業主准唔准加鎖, 如果可以, 就大家都安心D啦.