我男朋友好成熟, 但反而..我覺得唔知點好.. 20點..

我今年20, 我男朋友24, 佢係做緊野, 我仲讀緊書. 佢係一個好叻好聰明既人, 而我係比較唔成熟, 唔係好識唸野..

我好中意我男朋友, 大家拍拖有1年幾喇, 一直以黎都好sweet, 佢前幾日同我講, 佢番左份新工之後, 覺得呢個世界好大, 同埋接觸左好多成熟年紀比較大既人, 佢想大家都成熟d! e.g. 佢想我同佢以後唔好晌公眾場合攬攬錫錫, 只可以拖手同搭膊頭, 痴埋少少佢都好似唔想咁! 佢幾乎冇再用以前好好听既聲黎哄我, 而家講咩都用一般既語氣.... 佢最近愈黎愈少同我send sms,少左用符號,少左關心我,少左幫我,佢以前成日會好關心我, take care我, 但呢排.. 少.. 之前我同佢facebook係 in a relationship with xxx的, 而家佢覺得唔想俾facebook呢個框框住佢, 佢覺得佢facebook已經有好多我同佢既相, 已經足夠證明我係同佢一齊, 但點解咁少既野佢都唔肯為我?? 佢叫我睇多d野了解多d世界發生緊咩事, 佢話唔想我地既話題只有買衫, 行街, gossip果d..

佢好專心工作, 星期1-6都要番工, 我地基本上只有星期6/日先會見全日, 其他日子都只係見1-2個鐘就走.. 佢同佢新識既同事好似幾好, 我都好開心佢適應到, 但佢同佢同事有好多活動做, e.g. 放工後又想去做gym..

佢既生活少左我好多, 比起佢岩岩grad既時候, 我有嘗試去做, e.g. 我知道佢忙, 佢好多野煩, 我本身有野想請教佢/問佢, 我都會收埋唔問 ; 佢想做咩, 我都會就佢 ; 我本身個人係好有疑心既人, 但我都可以放低, 好開懷咁同佢談及佢既ex..

我好迷失, 其實我最近不快樂, 佢好像變了, 成個人都變了, 難道成長了的感情都是這樣的嗎? 我感覺不到以前快樂的感覺, 一定要我變成熟嗎? 究竟是那一方面出了問題? 我能怎做? 我真係好中意佢....