偷竊 屈錢

當事人偷竊$150被發現, 即係偷竊唔成功. 換句話講, 店舖並無損失. 店員叫當事人賠$3000, 已經唔啱數. 無損失點解要賠償? 分明敲詐. 店員重話賠就唔報警, 唔賠就報警, 咁店員即係收取金錢 (無論金錢最後是否歸店舖) 換取佢唔報警控告當事人. 咁佢已經犯咗妨礙司法公正罪.
普通法 (Common Law) 明述妨礙司法公正是可公訴罪行(Indictable Offence), 最高可判監禁7年及罰款.
妨礙司法公正的例子, 包括中止刑事檢控, 以換取報酬; 向某人提出虛假指控; 向調查刑事罪行的警務人員提供虛假陳述; 作出某項作為, 刻意協助另一人逃避追捕; 不當地干擾證人; 證人故意不出席聆訊, 以換取報酬; 提供捏造的證據; 發布文章, 刻意妨礙司法公正; 不當地中止檢控; 使原本可能得以提出檢控的法定程序受挫.
家人已賠錢, 就無得追究. 因為如果家人無俾錢, 而即場向警方投訴佢妨礙司法公正, 佢就分分鐘要坐監, 而當事人就只係罰錢 / 守行為 (偷竊$150唔係好大件事, 唔使坐監嘅), 佢唔會夠胆報警嘅! 咁就唯有放當事人走.
但家人有俾錢換取店員唔報警, 即係亦都已犯咗妨礙司法公正. 而家先報警, 一齊落鑊.
算買個教訓啦!