(20分..)獸醫睇倉鼠一次症和人道毀滅的收費(急...)

A.我養既鼠從未試過人道毀滅,唔了解收費幾多,所有獸醫都會收費,就算只係睇下咩都唔做都需要俾基金診金,而獸醫人道毀滅一般都係用針,所以我諗係要另收針藥費要最平既話應該係去愛護動物協會,基本診金係最平但唔係話你想隻鼠人道毀滅醫生就一定會照做,我細個時較多會帶鼠鼠去愛協,試過好幾次醫生話左隻鼠冇得救,好辛苦咁,醫生都話唔幫佢做人道毀滅;不過醫鼠唔係幾掂既獸醫就可能未去到咁絕望時已經建議人道毀滅,都有數個朋友試過,轉睇d有口碑既仲可以救得返
而你都仲想試下醫鼠鼠既話,嚴重疾病愛協就應該幫唔到鼠鼠,多數去睇都會叫你帶隻鼠去大圍,唔係個個醫生係識醫鼠,所以最好揀過先去,以下都係一d有口碑既鼠醫生:

大圍珍禽異獸及寵物醫院 DR.TIGER/DR.LAM
地址:大圍積信街75號地下
Tel: 2687 1030
http://www.taiwaiexotic.com/
基本診金$290,藥及手術另計

旺角動物診所 - 梁醫生
九龍窩打老道66號A地下
電話 : 2760-1026
基本診金$280,藥及手術另計

夏利維動物醫院 - Dr. Chris,Dr. Michael
天后永興街37號地下
電話 : 2570 6048
診金大約$260,藥及手術另計

平d可以睇愛護動物協會,但嚴重既話,都可能會叫你睇大圍,因為設備不足.加上醫療車冇得揀醫生
愛護動物協會診所資料:(需入會) 馬嘉妃醫生
http://www.spca.org.hk/chi/vet/vetclinic.html
愛護動物協會流動醫療車資料:
http://www.spca.org.hk/chi/vet/moclinic.html
診金百幾,藥及手術另計

要留意,如果第一次睇一個醫生,未好返轉去睇第2個既時候,執收尾既醫生會收貴d,詳情可以打去預約既時候問,去之前記得諗定有咩要講同有咩要問,例如鼠鼠有咩唔舒服,要唔要覆診,藥點食之類,亦記住要寫低醫生講既野,擔心鼠鼠既時候,好易唔記得野同講漏,所以唔好怕煩,寫低晒d野安全d

B.唔知你既鼠鼠咩唔舒服呢?我就唔係咁接受將自己既鼠人道毀滅,一來覺得唔捨得,二來希望俾鼠鼠機會試下仲有冇得救
唔知你既鼠咩事,但一般唻講有嚴重疾病可留意以下既事:
1)有第隻鼠一齊就要分籠,避免傳染,而且減少細菌感染既機會(鼠鼠本身係獨居動物,冇事都係分籠會對鼠鼠好d)
2)保持周圍既環境衛生
3)唔好俾風直接吹到鼠鼠,要鼠鼠保持溫暖,鼠鼠太熱時則要留意返散熱問題
4)除檢查及治療之外唔好攪鼠鼠,鼠鼠生病,會對外界更加驚,而且需要多D休息
5)俾一d有營養既野佢食.可以試下俾d麥片or白麵包佢
6)如果鼠鼠唔食野唔飲水,就用手直接餵,都係唔食既話,就要俾d耐性試多d,鼠鼠唔舒服,又會好累咁,係冇咩胃口既
7)如果你或你既家人有感冒,都唔好接觸佢,唔係又會令鼠鼠更加易再受感染.(鼠感冒唔會傳人,唔洗擔心)
8)針對返鼠鼠既病而作用特別既處理

如果我系醫生就會首先盡力去醫番好隻鼠, 若然經過几次醫治而無改善, 還演變得更惡化, 真的做成生命危險先會向飼主建議人道毀滅, 如果唔系仲可以救番條命, 任何一個醫生都不會出此下策, 而飼主不到最後也不想自己的寵物遭到人道毀滅。
如果一個有醫德 ga 獸醫系唔會無端端叫你比隻鼠去人道毀滅, 如果佢答應你咁做亦會因為你系客人而佢要收你診金去做咁殘忍 ga 生意, 所以醫生一定會收你錢!

2009-05-02 13:06:40 補充：
更正: 如果我系醫生就會首先盡力去醫番好隻鼠, 若然經過几次醫治而無改善, 還演變得更惡化, 真的無得醫先會向飼主建議人道毀滅,