新牌仔買Corolla 好嗎?

Collora 當然係新牌仔的好選擇啦, 除非你家財百萬, 否則第一部車買部三萬蚊左右的 collora 都係個好選擇
首先豐田係大廠, Collora 更係其代表作, 一般 Collora 在正常保養之下行十幾年唔會有太大問題, 你睇睇到今時今日90年代的 Collora 都仲通街走, 就知道呢部車夠耐用啦, 而且渣 Collora 一般都係代步用, 通常都唔會話被玩到好殘
我識得的新牌仔當中, 十個有八個都難免會有輕微碰撞, 另外會有一個會玩到 total lose, 真係由新牌到老手無經過一些 "教訓" 的真係無幾多個, 三萬幾蚊當買部行得走得的碰碰車, 撞左都無咁心痛嘛, 玩一~兩年之後, 玩到自己變熟手, 到時再諗部自己喜歡的車都唔遲, 假如你好彩呢兩年部車無乜碰撞, 賣返出去都仲有少少價, 九十年代尾的 Collora 而家都仲可以賣到一萬鬆d, 就算衰到盡當廢鐵賣都有返 d 渣拿
再者 Collora 維修容易簡單, 零件易搵, 如果連 Collora 都攪唔掂的車房一早就收得工, 所以部車有乜頭暈身慶, 都唔使太擔心
Collora 車身唔算太大, 只係比一般學車大部少少, 睇位容易, 操控亦簡單, 即使新牌仔多練習一會, 都應該無大問題
新牌仔買保險肯定比人貴啦, 如果你唔夠廿五歲就仲貴添, 不過 NCB 係要慢慢蓄返來, 除非你唔買車, 否則買貴保險係養車人士必經階段
新牌仔建議你盡量揀部銀色車, 輕微碰撞後都無咁礙眼

當然好啦,corolla較容易操控,有1500cc,係最佳選擇

如果你是新牌仔買corolla也不錯因為易操作我的98corolla用了多年也沒有大問題