✔ 最佳答案
小弟肯定呢個宇宙有外星人,原因好簡單。我地既太陽係宇宙入面只係一顆極為普通既恆星,剩係我地既銀行系都已經有二千億個好似太陽咁既恆星,而據估計,全宇宙有二千億個好似我地銀行系既星系。咁即係咩意思﹖即係話如果好似我地太陽咁普通既恆星可以有一個地球,咁全宇宙200,000,000,000*200,000,000,000咁多個恆星可以有幾多個好似地球既行星﹖而且邊個話一定要好似地球咁既行星先可以有生命﹖生命可能會有其他千奇百怪既形式。如果宇宙有咁巨量既恆星及行星,亦有無限既生命形式,但就只有我地地球咁特殊有生命,你話係唔係極度唔可信﹖所以我肯定地球外一定有生命。
不過有外星生命係一回事,我地可唔可以同佢地接觸又係另一回事。宇宙太大,就算係飛得最快既光要係兩個恆星之間穿梭既所需時間都要以年計,好多時甚至係以成百上千光年計算。星球之間咁巨大既距離好難想像會有任何文明會同其他文明做到接觸,所以雖然小弟相信有外星生物,但我唔肯定我地係唔係已經同外星生物有過接觸。