幫幫忙~~10點~

對你334好有幫助的網


http://www.edb.gov.hk/index.aspx?langno=2&nodeID=4702


http://www.edb.gov.hk/FileManager/TC/Content_5999/chi_lang_final.pdf


「334」學制大學收生要求聯合公布


http://www.edb.gov.hk/FileManager/TC/Content_6440/university%20entrance%20requirements_chi_090305.pdf


工作方面


除非一些一定要理科學生才可以做的工作(例如: 獸醫、牙醫、營養師、工程師、醫生、藥劑師、化驗、科學研究、實驗室職位、眼科視光師、銷售實驗儀器等), 其實好多工作無話一定要文、理或商先可以做. 尤其中學畢業, 好少要中學程度工作係規定一定要讀理科. 就算上到大學, 讀商科都無規定大學一定要中學讀商先可以讀, 文科都係. 不過理科就一定要中學讀過相關理科科目先得.


文科及商科出路其實無乜分別, 都係可以可以做律師、會計師、審計員、會計文員、設計師、記者、編輯、導演、市場推廣、作家、空姐、教師、teller、管理訓練生、秘書、翻譯、公務員、建築師、公務員(要求理科資格除外)、分析員、中醫、船務、採購、文員、程式編寫(唔係講笑, 而家電腦科文科及商科生都可以讀)、人力資源管理、公關及客戶服務等. 有些一定要有degree程序, 有些最少中學程度.


理科出路方面, 在第一段已有提及. 第二段所提及的工作, 理科生也可以做.


有些貌似只有文科或商科生先可以做的工作, 但其實如果你考番相關qualifications或符合指定要求都可以申請, 例如: 做會計文員最少都要考LCCI會計及簿記中級. 大學讀會計亦唔一定要中學讀過會計先入得. 就算大學唔係讀會計都可以做會計師, 讀完指定課程, 考完指定考試, 有齊相關經驗就得. 做教師讀番個DEGREE(當然要與你想教科目有關)加張教育文憑就得.


其實學歷只是你工作入場券, 人地比個機會你面試. 但人地請你根本係睇你有無料, 多過睇你讀咩科 (除非工作規定你一定要讀某科). 何謂有料, 最基本係有良好兩文三語, 之後是分析能力、國際視野、處事能力及領袖能力等. 所以唔好只係用出路或人工考慮應該選乜科, 數年後世界變成點係好難估, 無行業會永遠興旺.


想做心理醫生就要讀理科, 因為心理醫生即是精神科醫生, 要接受醫科訓練(334前係讀5年, 334後相信係讀6年), 然後再取得精神科專業資格. 334後讀醫依然係一定要讀理科. 入學要求可以去教育局網頁睇.
希望這些資料能解答到你的問題吧~

若你能入讀大學，則可以選擇大部份科目（包括歷史、商科、醫科），除了工程系、物理系。若在本地升學，最好當然讀香港大學、中文大學或科技大學。另外，若你未能入讀大學，一般而言前途與其他中學畢業生無分別，只是可能比起其他人可以做一些實驗室技術員及會計文員（若閣下是選修會計單元）。