有關網上購物

咁多條問題，條條都有好多野可以講。

1. 網上購物有哪些類別　
主要有兩大種，一種係提供服務，例如代BID外國拍賣網貨品既服務。透過黎類型網站,幫你買你想要既外國SELLERS賣既野。又例如訂票、訂房服務，租車，都可以在網上攪晒。另一種係直接賣野既網站，賣野既種類多到講唔晒，大到好似車咁,都可以在EBAY拍賣，細到一粒螺絲都可以在網上買到。基本上你講得出既野，都可以在網上買到。好似香港D SUPERMARKET咁,你都可以上網買。有D好偏門既野亦可以網上買到,你睇EBAY就知啦....咩都有人賣。

2. 網上購物有什麼方式付款
Paypal, Credit Card, T/T, COD, Western Union, ....
視乎個別網站提供咩服務, 依家好多網站都以PAYPAL & 信用咭收錢，因為方便而且快。

3. 網上購物的好處及壞處
好處: 方便、慳時間、可能會慳錢、買D本地買唔到既野、唔駛四圍走去格價。

壞處 : 始終都係睇唔到實貨，件野大細、功能只可以在網上睇資料，未必係你想要既野。另外付運途中有咩損壞、比人偷左，要跟進就麻煩D。如果間網店商譽唔好，可能比左錢冇貨收。又或者個網站唔KEEP存貨，有人訂先入貨，你可能等好耐先收到你想要既貨，甚至因為冇貨而退款，或者比人騙財。

我從事左網上購物7年幾8年，可以講既野仲有好多好多，全部都係經驗累積返黎。如果有咩問題，都可以再POST出黎大家參詳下。