老師究竟有無原諒我？（20分）

我有一個好鐘意好鐘意既老師，咁佢係女仔，但係平日呢就鐘意著襯衣加西褲咁，都幾男仔頭下。我開學第二日就好鐘意好鐘意佢，好鐘意朝早番學個陣企響門口睇下佢番來個個樣，有時有會估下佢著咩衫。咁後來佢唔知點解知道左，都同我講過下，話咩佢覺得唔舒服等等。但我就淨係改左無估佢著咩衫，其餘既就咩都無改。咁佢後來一直都係對我忽冷忽熱咁，有時好好人，但係有時又好cool，不過佢對我既態度睇來就同佢既心情無關。咁我有跟佢做一個project，佢係我teacher adviser，但係後來就將個project交左俾另外一個老師。咁今次放完復活節假啦，咁佢好難得，就對我好人左好多，仲維持左成個星期，破晒紀錄。就連個project佢都主動理番，好好人。但係我就又做錯野。咁話說我尋日有佢堂，咁佢個日著左對涼鞋，但就著西褲，可以話係從來無試過。咁因為我朝早已經見到佢著左涼鞋，咁我又想睇下個隻腳，所以當佢企係門口等值日生擦乾淨個board個陣我就已經伸左個頭出去睇。咁點知就俾佢見到，問我係到研究d咩。咁我就惟有話自己睇燈製，結果就俾佢問我d視線係咪識反彈。咁跟住我無出聲，咁佢就教書啦。當時我唔敢望佢，但係有d同學後來就話我知，當我話睇緊燈製個陣佢就面紅。咁後來上堂啦，咁佢一開始就問書，平日我就一定搶住答，但個日就無。咁後來抽問，唔知係咁巧定咩啦，總之就叫中我。咁因為我發緊夢，怨緊自己頭先去望佢隻腳，所以就唔知佢問咩啦。跟住要佢講多次先識答，個陣佢就好似有d不滿。跟住我就成堂都無出過聲啦，同平日完全唔同。跟住落堂，本來我要交我地個project d野俾佢，但係因為開頭俾佢咁問法，所以就叫另一個同學拎去俾佢，佢收個陣就笑笑口咁。跟住我就出去同佢講對唔住，咁個陣佢而經行緊番教員室，所以我叫佢個陣佢係背向我既。咁我叫左聲「x老師」，咁佢停低左，但無轉身，咁我再叫多聲，佢仍然無轉身，但就話「咩啊」。咁我就話「頭先好對唔住，希望你原諒我」咁啦。咁佢仍然背向我，就話：「得喇，我無事，你番入去啦，唔使擔心我，你入番去啦」完全唔明佢講咩。咁到了今日啦，我係梯口撞到佢，咁我就問佢今日會否俾番份project我地，咁我地可以係呢三假做。但佢就叫我問另外個個老師。即是佢又唔理我地個project喇。
所以，我想問：
1.佢是否還在生的我氣？又或者佢有無原諒我？
2.我應該點做？
3.點解佢要將個project交俾另一個老師，因為個報名表上顧問老師是寫佢個名。
4.點解我同佢道歉佢要背向我？

深盼你們能解答！