與未成年少女發生性行為能消案嗎

刑事案嘅控告權在律政司, 你身為 "受害人", 在案中只係証人角色, 無權決定告唔告佢, 亦無得消案.


而且你已落口供, 話咗佢同你性交左年幾, 每個禮拜兩三次, 咁佢根本打唔甩. 法庭會傳召你作供指証佢. 你唔合作或玩失憶, 叫你去檢身唔去, 會有機會被控妨礙司法公正, 好大鑊嘅.


你15佢 20, 佢又係你男友, 雖然法例規明你未夠16歲係無權同意性交, 但始終你係自願嘅. 最接近案例係 HKSAR v Lai Yip Sing [ESCC 3672 / 2000]. 案中被告22歲, 受害人14歲, 是被告女朋友. 被告初犯兼認罪, 被判監3個月. 你男友都會被判監大約3個月.


到呢個地步無辦法! 咁佢又真係衰11吖嘛! 老實講, 如果計清楚日子, 你而家14 / 15, 佢同你性交左年幾, 即係分分鐘你第一次同佢性交時未夠13歲. 重大鑊!!


香港法例第200章<刑事罪行條例>第123 條 - 與年齡在13歲以下的女童性交:

任何男子與一名年齡在 13歲以下的 女童非法性交， 即屬犯罪， 一經循公訴程序定罪， 可處終身監禁。