✔ 最佳答案
我不是牙科專業人士,但我見你好擔心和著急,而兩天也沒有人回答你,所以我就以自己的經驗來幫幫你,請不要誤會我是為了你的20點才答你。
現回答你之所問:
你話人人拆完箍即日有固定器,你有沒有問清楚d人呀!我就唔信喇!如果真係可能個牙醫和工場相距甚近,又或者工場在牙醫診所內,但都要時間做架。
箍完牙拆了箍,不是立刻有固定器的,因為你要拆了箍才可以倒模,(冇理由戴住牙箍去倒模卦),倒左模才可以拿去工場做固定器。來來回回,時間大約要五至七天(而且工場亦不是只做你一人之固定器,他們還有其他人之物品要做),所以你的牙醫並非有問題;我記得我以前都係和你差不多時間,才返牙醫處戴固定器。
在這時期,你可以和常人一樣吃東西,【不需要】只吃粥,你想保護自己的牙齒,便不可吃太硬的東西喇!食飯食野,不用擔心。睡覺自然姿勢去睡吧!冇問題的,不會影響到牙齒。
只是一星期,牙齒是不會移位的,牙醫有專業知識既,若有問題,佢都唔會要你等一星期喇!不過你有了固定器,在最初的半年,真係要全日配戴(不過我以前有時都會不聽話,有時要用口講野,又想發音清淅d果時,咪唔聽話囉!返家才戴),半年後便睡覺才戴。
但你拆了牙箍後,記得去洗牙,因為你的牙齒可能有d膠黏住,但如果你的箍牙醫生幫你洗埋就不用了。(我以前就要自己到外面的牙醫處洗,因為我那個是矯正專科醫生,不做洗牙的。我拆了箍,他只是簡簡單單的洗洗,叫我去其他牙醫處洗乾淨d)。
現在你可以安心一些吧!不要太緊張啊!傻豬!